తెలంగాణలో కరోనా వైర‌స్ వ్యాప్తి త‌గ్గుముఖం ప‌డుతోంది. గ‌తంలోని ప‌రీక్ష‌ల సంఖ్య‌తో పోలిస్తే.. పాజిటివ్ కేసుల సంఖ్య భారీగానే ప‌డిపోయింది. గ‌డిచిన 24 గంట‌ల్లో రాష్ట్ర‌వ్యాప్తంగా 34,805 మందికి కరోనా నిర్ధార‌ణ ప‌రీక్ష‌లు నిర్వహించ‌గా.. కొత్తగా 150 పాజిటివ్ కేసులు బ‌య‌ట‌ప‌డ్డాయి. కరోనా కార‌ణంగా నిన్న ఇద్దరు మృతి చెందారు.. అటు తాజాగా ఈ వైర‌స్ నుంచి 186 మంది కోలుకున్నారు.
తాజా కేసుల‌తో క‌లిపి తెలంగాణలో కరోనా బాధితుల సంఖ్య మొత్తం 2,95,581కి చేరింది. ఇందులో ఇప్ప‌టికే 2,92,032 మంది కోలుకున్నారు. అటు ఇప్ప‌టివ‌ర‌కు కరోనా కార‌ణంగా 1,610 మంది మ‌ర‌ణించారు. రాష్ట్రంలో ప్రస్తుతం యాక్టివ్‌ కేసులు1939గా ఉన్నాయి. ఇక తెలంగాణలో ఇప్పటి వరకు 81,04,264కి మందికి కరోనా నిర్దార‌ణ ప‌రీక్ష‌లు నిర్వ‌హించారు.
