కన్నుతెరిస్తే జననం,కన్ను మూస్తే మరణం. రెప్పపాటు జీవితం అన్నాడు ఓ కవి. మృత్యువుని సహజంగా చూసేవాళ్ళు చాలా అరుదు. ఎంత మంది తమ చావుని పుట్టుకలా జరుపుకోవాలని తలుస్తారు.అలాంటి వారిలో ఇంగ్లండ్ లోని బ్రిస్టల్ కు చెందిన శాండీవుడ్ కూడా ఒకరు. పెళ్ళిళ్ళకు, పుట్టిన రోజులకు సర్ప్రైజ్ లు సిద్ధం చేసుకోవడం చూసి ఉంటాం. కానీ మరణానంతరం వారి బంధువులు, స్నేహితులకు షాకయ్యేలా చేసింది చేసింది శాండీవుడ్.
అక్కడ అందరూ శాండీవుడ్ విషాదంలో ఉన్నారు. కొందరైతే ఆమె చనిపోయినందుకు ఆగకుండా కన్నీళ్ళు పెట్టుకుంటున్నారు. ఇంతలో ఆ గుంపులో నుంచి నలుగురు లేచి ముందుకు వచ్చారు.అక్కడున్న వాళ్ళంతా డెత్ ప్రిపరేషన్ కోసం అనుకున్నారు.
కానీ వారు డ్రస్ లు మార్చుకుని డాన్సులు వేయడం మొదలెట్టారు. ఇదేంటి !అని అంతా దిగ్భ్రాంతి చెందారు. ఏం జరుగుతుందో తెలియక విస్తుపోయి చూసారు.తీరా విషయం తెలుసుకున్నాక అయ్యో! అంటూ నిట్టూర్చారు.
ఇంగ్లండ్ లోని బ్రిస్టల్ కు చెందిన శాండీవుడ్ తన 65 ఏళ్ళ వయసులో మరణించింది. తన మరణానికి ముందే డ్యాన్స్ ట్రూప్ ని సిద్ధం చేసుకుంది. కాసేపటికే ఆ దృశ్యాలు సోషల్ మీడియాలో వైరల్ అయ్యాయి. శాండీకి మౌత్ క్యాన్సర్ వచ్చింది. అయితే, ఆమె ఎప్పుడు చనిపోతుందో ఖచ్చితంగా తెలియడంతో మరణానంతరం జరిగేకార్యక్రమాలు రంగులమయం చేసుకోవాలని నిర్ణయించుకున్నారు.
శాండీ సర్ప్రైజ్ గా డ్యాన్స్ చేసేందుకు చాలా మందిని సంప్రదించింది. అయితే, దాదాపు పది నృత్య బృందాలు శాండీ కోరికను అంగీకరించలేదు.మరణానంతర వేడుకల్లో తాను డ్యాన్స్ చేయలేనని చెప్పారు.
చివరిగా,సోషల్ మీడియా ద్వారా చూసిన ఫ్లేమింగ్ ఫెదర్స్ అనే బృందం డ్యాన్స్ చేయడానికి అంగీకరించింది. మరణాన్ని పండగలా జరుపుకోవాలని శాండీ కోరుకుంది.ఎవరూ ఆందోళనచెందవద్దని.అందరూ చిరునవ్వుతో తనను గుర్తుపెట్టుకోవాలని శాండీ కోరుకుంది.
అదేవిధంగా 10 లక్షల రూపాయలు వెచ్చించి సన్నాహాలు చేసింది. శవపేటికను శాండీకి ఇష్టమైన బ్యాగులు,బూట్లతో తయారు చేయబడింది. ఏది ఏమైనా అంత్యక్రియలు చూసిన వారికి చిరునవ్వుతో శాండీ గుర్తుకు రావడం ఖాయం.