బీఆర్ఎస్ పార్టీలో ఎలా చేరాలి అంటూ.. మహారాష్ట్రకు చెందిన ఓ అభిమాని ఎమ్మెల్సీ కవితకు ట్విట్టర్ లో ప్రశ్నించారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది. ఈ ప్రశ్నకు కవిత రిప్లై ఇచ్చారు. దేశవ్యాప్తంగా జరిగే బీఆర్ఎస్ బహిరంగ సభలు, కార్యక్రమాల్లో పాల్గొని, సీఎం కేసీఆర్ కు మద్దతు పలకాలని తెలిపారు.
కాంటాక్ట్ డిటేల్స్‌ ను నేరుగా పంపాల‌ని, బీఆర్ఎస్ లో స్వాగ‌తించేందుకు సంతోషిస్తున్నామ‌ని కవిత త‌న ట్వీట్‌లో పేర్కొన్నారు. రాబోయేది కిసాన్ స‌ర్కార్ అని, బీఆర్ఎస్‌కు మద్దతు ఇవ్వాల‌ని ఆమె కోరారు.
దేశవ్యాప్తంగా ప్రజానీకం కేసీఆర్ నాయకత్వంలోని బీఆర్ఎస్ విధానాలకు ఆకర్షితులవుతున్నారడానికి సాగర్ నిదర్శనమని తెలిపారు. ఇటీవల బీఆర్ఎస్ నాందేడ్‌ లో నిర్వహించిన బహిరంగ సమావేశం మహారాష్ట్ర ప్రజానీకంపై గణనీయమైన ప్రభావం చూపిందన్నారు.
Sagar Ji, you can support our leader and Hon’ble CM KCR Garu and @BRSparty by joining us in our public meetings and programs across the country.
DM your contact details. We are happy to welcome you 😊 #AbkiBaarKisaanSarkar https://t.co/TnBdaB8r6D
— Kavitha Kalvakuntla (@RaoKavitha) February 20, 2023
తెలంగాణలో అమలు చేస్తున్న పథకాలు దేశవ్యాప్తంగా అమలు కావాలని అన్ని రాష్ట్రాల ప్రజల ఆకాంక్ష అని.. అది కేసీఆర్ తోనే సాధ్యమనే నమ్మకమని పేర్కొన్నారు ఎమ్మెల్సీ కవిత. కాగా ఈ ట్వీట్ నెట్టింట వైరల్ గా మారింది. పలువురు నెటిజన్లు పాజిటివ్ గా రియాక్ట్ అవుతుండగా.. మరికొందరు నెగిటివ్ కామెంట్స్ చేస్తున్నారు.