రంగస్థలం..మెగా పవర్ స్టార్ రామ్ చరణ్ ని నటన పరంగా మరోమెట్టు ఎక్కించిన సినిమా. అంతేకాదు అప్పటివరకు రామ్ చరణ్ నటనని కామెంట్ చేసేవారు ముక్కున వేలేసుకున్నారు.రామ్ చరణ్ యాక్టింగ్ కు ఫిదా అయ్యారు.
రామ్ చరణ్ ఒక్కరే కాదు, రంగస్థలంలో ఎవరి పాత్రకు వారు నూటికి నూరు శాతం న్యాయం చేసారు. ఈ మూవీలో సీనియర్ నటుడు జగపతి బాబు ప్రసిడెంట్ పాత్రలో అద్భుతంగా నటించారు. అయితే ఈ సినిమాలో అందరూ ఆయన్ని ప్రెసిడెంట్ గారు అనే పిలుస్తూ ఉంటారు అంతే తప్ప ఆయన పేరు ఏంటి అనేది ఎవరికీ తెలీదు.
చిట్టిబాబు (రామ్ చరణ్), కుమార్ బాబు (ఆది) ఇద్దరు కలిసి ప్రెసిడెంట్ దగ్గరికి వెళ్లి మేము మీకు వ్యతిరేకంగా నామినేషన్ వేసాము అని చెప్పి తిరిగి వస్తుంటే రామ్ చరణ్ వెనక్కి తిరిగి వెళ్లి వస్తాం ఫణీంద్ర భూపతి గారు అంటారు.
అయితే ఊరిలో ఉన్న ఎవ్వరికీ తెలియని ఆయన పేరు రామ్ చరణ్ కి ఎలా తెలిసింది అని, ఆ సినిమా చూసిన వాళ్లలో చాలామందికి డౌట్ ఉంది. కానీ ఆ పేరు రామ్ చరణ్ కి ఎలా తెలిసిందంటే వీళ్లు నామినేషన్ వేయడానికి వెళ్ళినప్పుడు అక్కడ ఆఫీసులో ఇంతకుముందే నామినేషన్ వేసిన ప్రెసిడెంట్ గారి పేరు చూస్తారు.
కాబట్టి చిట్టి బాబుకు ఆయన పేరు తెలుస్తుంది. చిట్టిబాబు ఆయన్ని పేరు పెట్టి పిలిచే సీన్..సినిమా చూస్తున్నవారిని ఉద్వేగానికి గురిచేయకమానదు. అలాగే ఈ సినిమా మొత్తాన్ని డైరెక్టర్ చాలా బాగా హ్యాండిల్ చేశాడనే చెప్పాలి.
అటు రామ్ చరణ్ కెరియర్ లో అయినా, ఇటు సుకుమార్ కెరియర్ లో అయిన ది బెస్ట్ సినిమాగా ఈ సినిమా చరిత్రలో నిలిచిపోతుంది అని చెప్పడంలో ఎంత మాత్రం అతిశయోక్తి లేదు.
Also Read: సమంత మెడలో పసుపుతాడు..!