ఉప్పెన సినిమాతో తెలుగు చిత్ర ప‌రిశ్ర‌మ‌లోకి అడుగుపెట్టిన క‌న్న‌డ బ్యూటీ కృతి శెట్టి. ఆ చిత్రం విజ‌యం సాధించ‌డంతో కృతి వ‌రుస‌గా ఆఫ‌ర్లు అందిపుచ్చుకుంది. స్టార్ హీరోలు సైతం ఆమె త‌మ సినిమాలో ఉండాల‌ని కోరుకుంటున్నారు.
తమిళ పరిశ్రమలో కూడా కృతికి మంచి ఫాలోయింగ్ ఉంది. మరోవైపు తన గ్లామర్ ను మరింత పెంచుకునే యోచనలో ఆమె ఉన్నట్టు ప్రచారం జరుగుతోంది. తన అందానికి మరింత మెరుగులు దిద్దుకునేందుకు ప్లాస్టిక్ సర్జరీ చేయించుకోవాలని భావిస్తోంది.
తన పెదవులు కొచెం వెడల్పుగా ఉంటాయని… అందువల్ల తన ముఖంలో కొంత అందం తగ్గిందని ఆమె భావిస్తోందట. అందువల్లే తన పెదాలు మరింత అందంగా కనిపించేలా ప్లాస్టిక్ సర్జరీ చేయించుకోవాల‌నుకుంటుందంటా. ఇప్పటికే ఆమె ఒక డాక్టర్ ను కూడా కలిసిందట.
అయితే ఈ ప్రచారంలో ఎంత నిజం ఉందో తెలియాల్సి ఉంది. మరోవైపు, అనవసరమైన ప్రయోగాల జోలికి వెళ్లి… ఉన్న అందం పాడు చేసుకోవద్దని ఆమెకు ఫ్యాన్స్ సలహా ఇస్తున్నారు.