యంగ్‌ హీరో నితిన్‌, హీరోయిన్‌ సదా ల మొదటి చిత్రం జయం.తేజ తెరకెక్కించిన ఈ చిత్రం ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. ఈ ప్రేమ కథ చిత్రం బ్లాక్‌ బస్టర్ హిట్‌ గా నిలిచింది. ఈ సినిమాలో గోపిచంద్‌ ప్రతినాయకునిగా నటించాడు. కాగా ఈ సినిమాలోని పాటలు కూడా సూపర్‌ హిట్‌ గా నిలిచాయి.
ఇందులో రాను రాను అంటూనే చిన్నదో అనే పాట విపరీతంగా ఆకట్టుకుంది. ఇప్పటికి కూడా ఈ పాటు మారుమ్రోగుతోంది. ఈ చిత్రం తరువాత నితిన్‌ వరుస సినిమాలతో ముందుకు దూసుకుపోతుండగా సదా మాత్రం సినిమాలు తగ్గించి రియాలిటీ షోల్లో పాల్గొంటుంది.
అయితే ఈ ముద్దుగుమ్మ సోషల్ మీడియాలో చాలా యాక్టివ్‌ గా ఉంటుంది. నిత్యం రకరకాల ఫోటోలు అప్‌ లోడ్‌ చేస్తూ ఆకట్టుకుంటుంది ఈ తార. తాజాగా ఈ చిన్నది రాను రాను అంటూ చిన్నదో సాంగ్ కు తన హుక్‌ స్టెప్ వేసి అదరగొట్టింది. చీరకట్టులో ఆ స్టెప్పేసి ఆకట్టుకుంది.
జయం సినిమాలో ఎలా ఉందో.. ఇప్పటికి కూడా అంతే అందంతో ఆకట్టుకుంది ఈ చిన్నది. ఇక ఈ వీడియో ఇప్పుడు సోషల్ మీడియాలో వైరల్ అవుతుంది. ఈ వీడియో పై రకరకాల కామెంట్స్ చేస్తున్నారు నెటిజన్లు.