అగ్ర‌హీరోల స‌ర‌స‌న‌.. అందాల భామ..!

అఖండ సినిమాతో బాక్సాఫీస్ వద్ద సంచలనం సృష్టించిన నంద‌మూరి బాల‌య్య‌.. ప్రస్తుతం మాస్ డైరెక్టర్ గోపిచంద్ మలినేని దర్శకత్వంలో మ‌రో చిత్రంలో న‌టిస్తున్నారు. #NBK 107 వర్కింగ్ టైటిల్ తో రూపొందుతున్న‌ ఈ చిత్రంపై భారీ అంచనాలు ఉన్నాయి. ఇటీవల విడుదలైన ఈ మూవీ ఫస్ట్ గ్లింప్స్ తో అంచనాలను అమాంతం పెంచేసింది చిత్రబృందం. ప్రస్తుతం ఈ మూవీ షూటింగ్ శరవేగంగా జరుగుతోంది.

తాజాగా ఈ మూవీ షూటింగ్ లో క్రాక్ బ్యూటీ శ్రుతి హాసన్ ప్రత్యక్ష‌మై అంద‌రినీ ఆక‌ర్షించింది. తెలుగులో ఎన్నో సూపర్ చిత్రాల్లో నటించి అగ్రకథానాయికగా దూసుకుపోతూ.. మరోవైపు కోలీవుడ్, బాలీవుడ్ ఇండస్ట్రీలలోనూ సత్తా చాటింది ఈ ముద్దుగుమ్మ. తెలుగులో రవితేజ సరసన క్రాక్ సినిమాతో రీఎంట్రీ ఇచ్చిన ఈ అమ్మడు.. ప్రస్తుతం బాలయ్య, మెగాస్టార్ చిరంజీవి సరసన నటిస్తూ ఫుల్ బిజీ అయ్యింది.

అయితే.. తాజాగా ఈ బ్యూటీ ఓ స్టార్ హీరో సినిమా సెట్లో సందడి చేసింది. #NBK 107 వర్కింగ్ టైటిల్ తో తెరకెక్కనున్న సినిమాలో ఈముద్దుగుమ్మ బాలయ్య సరసన నటిస్తోంది. ఇప్పటికే ఈ సినిమా షూటింగ్ శ‌రవేగంగా జరుగుతోంది.

అయితే అన్ని పోస్టర్ లోనూ బాలయ్య కనిపించాడు. కానీ.. ఇప్పుడు బాలయ్యతో శ్రుతి ఎంట్రీ ఇస్తోందని, ఈ విషయాన్ని డైరెక్టర్ గోపిచంద్ మలినేని తన ట్విట్టర్ ఖాతా పోస్ట్ చేశారు. తనతో శ్రుతి డైరెక్ష‌న్ స్టార్ట్ అంటూ పోజులిచ్చిన ఫోటోకు ట్యాగ్ చేశారు. గోపిచంద్, శ్రుతి ఉన్న ఫోటోను చూసిన శ్రుతి హాసన్ అభిమానులంతా వావ్ అంటూ ప్రసంసల వర్షం కురిపిస్తున్నారు. ఏది ఏమైన ఈభామ‌ అటు బాలయ్య అభిమానులను, ఇటు శ్రుతి అభిమానులను ఎలా ఆకట్టుకుట్టుందో చూడాలి.