పవన్ కల్యాణ్ కొడుకు అఖిరా ఎలా వుంటాడు ? మహేశ్‌బాబులా ఆరడగులు వుంటాడా..? తండ్రి పవర్‌స్టార్‌లా అట్రాక్టీవ్ లుక్‌తో వుంటాడా..? తన అన్న రామ్‌చరణ్‌తేజ్ మాదిరి డ్యాన్స్, పెర్ఫామెన్స్‌పై కాన్సన్‌ట్రేట్ చేస్తాడా? తన పెదనాన్న మెగాస్టార్ పేరు నిలబెట్టేందుకు తెరముందుకు వస్తాడా? అసలు సినిమాల్లోకి ఎంట్రీ వుంటుందా..? ఇవన్నీ మెగాభిమానులు మాట్లాడుకునే ముచ్ఛట్లు. హీరో అడివి శేషు వీటన్నింటికీ కలిపి వారందరికీ ఓ షార్ట్‌ఫామ్ ఆన్సర్ ఇస్తున్నాడు.
అడివి శేష్ రీసెంటుగా ఫిల్మ్‌మేకర్‌, ఒకప్పటి పవర్‌స్టార్ బెటర్‌హాఫ్ రేణూ దేశాయ్‌ ఫ్యామిలీని కలిశాడు. పవన్ కల్యాణ్-రేణు సన్ అకీరా నందన్‌, డాటర్ ఆద్యతో కలిసి సరదాగా కాసేపు గడిపాడు. ఆ సంతోషాన్ని మెగా ఫ్యాన్స్‌తో పంచుకునే ప్రయత్నం చేశాడు. అఖిరా, రేణులతో తీసుకున్న ఫోటోల్ని ట్విట్టర్‌లో షేర్‌ చేశాడు. ఏమన్నాడంటే…‘ఈ హ్యాండ్సమ్‌ కుర్రాడు అకీరాతో ఈ రోజు ఉత్సాహంగా గడిచింది. అతడికి ‘ఎవరు’ సినిమా చాలా నచ్చింది. ఇద్దరం అలా సరదాగా సమయం గడిపాం, భోజనం చేశాం.. జీవితం గురించి సాధారణంగా మాట్లాడుకున్నాం. గంభీరమైన స్వరంతో 6.4 అడుగుల ఎత్తున్న వ్యక్తి అతడు. మా ఇద్దరిదీ ఎడమ చేతి వాటం కావడం సంతోషంగా ఉంది. మా ఇద్దరిలో చాలా విషయాలు కామన్‌గా ఉన్నాయి. చిట్టి ఆద్యకు కెమెరా అంటే కాస్త సిగ్గు. రేణూ దేశాయ్‌తో సంభాషించడం ఆనందంగా ఉంది..’ ఇదీ అడివి శేష్ హ్యాపీ ఫీలింగ్స్. నువ్వునాకు నచ్చావ్ మూవీలో వెంకటేశ్ అన్నట్టు ‘ఈ ట్వీట్‌లో చాలా ఇన్ఫర్మేషన్ వుంది శేషూ.. మెగా ఫాన్స్ తరుఫున నీకు థాంక్స్ అలాట్..’
Spent a day with this handsome guy! #Akira He loved #Evaru so much, I was flattered, we just hung out and had lunch n talked about life in general. 6'4 with a booming voice! I love the fact that we are both left handed and have an insane number of things in common (scary tbh)! pic.twitter.com/nNtvGnXDEn
— Adivi Sesh (@AdiviSesh) August 26, 2019
Advertisements
