బాలీవుడ్ బాద్షా షారుక్ ఖాన్..‘పఠాన్’ సినిమా సక్సెస్ మేనియాలో ఉన్నాడు. ఈ సినిమాకి సంబంధించిన ఓ పాటలోని వస్త్రధారణ విషయంలో పెనుదుమారం రేగింది. దేశవ్యాప్తంగా వివిధ ప్రాంతాల రాజకీయ వర్గాలు..దుమ్మెత్తిపోసాయి.
అయితే వీటన్నిటీనీ పటాపంచలు చేసి ఆయన కెరీర్ లోనే అత్యధిక కలెక్షన్స్ రాబట్టిన సినిమాగా పఠాన్ సినిమా నిలించింది.ప్రస్తుతం షారుక్ ఈ సినిమా విజయాన్ని సెలబ్రెట్ చేసుకుంటున్నారు. ఈ జోష్లోనే నెక్ట్స్ మూవీ పనులు మొదలు పెట్టేశారు.
ప్రముఖ దర్శకుడు అట్లీతో ‘జవాన్’ చిత్రాన్ని పట్టాలెక్కించారు.తాజాగా ఈ సినిమాకు సంబంధించి ఓ వార్త సామాజిక మాధ్యమాల్లో చక్కర్లు కొడుతోంది. అదేంటంటే.. బాలీవుడ్ కింగ్కాంగ్ షారుక్ ఖాన్ సరసన లేడీ సూపర్ స్టార్ నయనతార నటిస్తోన్న ఈ సినిమాలో..ఐకాన్ స్టార్ అల్లు అర్జున్‌ నటించనున్నారనే టాక్‌ వినిపిస్తోంది.
‘జవాన్’లో అతిథి పాత్ర కోసం బన్నీని చిత్రబృందం సంప్రదించిందనే వార్త సోషల్‌ మీడియాలో హల్‌చల్‌ చేస్తోంది. ఒకవేళ బన్నీ ఈ ప్రాజెక్ట్‌లో నటించేందుకు అంగీకరిస్తే బాలీవుడ్తో పాటు..ఇటు తెలుగులోనూ సినిమా సూపర్ హిట్‌ అవుతుందని అట్లీ భావిస్తున్నట్లు తెలుస్తోంది.
అయితే ఈ విషయంపై అఫీషియల్ అనౌన్స్మెంట్ ఇంకా రాలేదు. కానీ, ఈ వార్త మాత్రం నెట్టింట్లో వైరల్‌ అవుతోంది.కాగా, ప్రస్తుతం అల్లుఅర్జున్‌ ‘పుష్ప2’ సినిమా చిత్రీకరణలో బిజీగా ఉన్నారు. ఇటీవలే వైజాగ్‌లో ఈ సినిమాలోని కొన్ని కీలక సన్నివేశాలు చిత్రీకరించారు. త్వరలోనే ఈ షూటింగ్‌లో రష్మిక పాల్గొననుంది.