టాలీవుడ్‌లో తాను స్టైల్ గురు అని న‌టుడు అల్లు అర్జున్ మ‌రోసారి నిరూపించుకున్నాడు. సినిమాల్లోనే కాదు, రియ‌ల్ లైఫ్‌లోనూ అల్లు అర్జున్ స్టైల్‌గా కనిపించేందుకు అధిక ప్రాధాన్య‌త‌ను ఇస్తుంటాడు. ఈ క్ర‌మంలోనే తాజాగా విజ‌య్ దేవ‌ర‌కొండ‌కు చెందిన రౌడీ క్లాతింగ్ జాగ‌ర్ సెట్‌ను ధరించి అంద‌రినీ ఆశ్చ‌ర్య‌ప‌రిచాడు. ఆ దుస్తుల్లో అల్లు అర్జున్ ప‌ర్‌ఫెక్ట్‌గా సెట్ అయ్యాడు. ఆ దుస్తుల‌ను ధ‌రించిన అనంత‌రం అత‌ను తీసుకున్న ఫొటోల‌ను సోష‌ల్ మీడియాలో షేర్ చేయ‌గా అవి వైర‌ల్ అవుతున్నాయి.
న‌టుడు విజ‌య్‌దేవ‌ర‌కొండ రౌడీ క్ల‌బ్ పేరిట నూత‌న దుస్తుల బ్రాండ్‌ను ప్రారంభించిన విష‌యం విదిత‌మే. ఆ బ్రాండ్‌కు చాలా మంది నుంచి.. ముఖ్యంగా యువ‌త నుంచి విశేష రీతిలో స్పంద‌న ల‌భిస్తోంది. ఇక ఆ బ్రాండ్‌కు చెందిన జాగ‌ర్ సెట్‌ను విజ‌య్ ఇటీవ‌లే అల్లు అర్జున్‌కు పంపించ‌గా.. వాటిని అల్లు అర్జున్ ధరించి ఆక‌ట్టుకున్నాడు. ఆ గెట‌ప్‌లో దిగిన ఫొటోల‌ను అత‌ను షేర్ చేశాడు. అలాగే ఆ ఫొటోల‌కు విజ‌య్‌ని ఉద్దేశించి అల్లు అర్జున్ కామెంట్ కూడా పెట్టాడు.
I want to thank my brother @TheDeverakonda and the @therowdyclub team for sending me this cool pair . It’s super comfy . Thank you for the lovely gesture my brother . Shine on ! pic.twitter.com/aBSmra9QXM
— Allu Arjun (@alluarjun) December 3, 2020
విజ‌య్ దేవ‌ర కొండ, రౌడీ క్ల‌బ్ తాము డిజైన్ చేసిన దుస్తుల‌ను త‌న‌కు పంపించినందుకు వారికి కృతజ్ఞ‌త‌లు తెలుపుతున్నాన‌ని, ఆ దుస్తులు సూప‌ర్ కంఫ‌ర్ట్‌గా ఉన్నాయ‌ని, త‌న‌పై ప్రేమ‌తో దుస్తుల‌ను పంపినందుకు విజ‌య్‌కు థాంక్స్ .. అని అల్లు అర్జున్ కామెంట్ చేశాడు.
Stunning annoo 🔥🤍 https://t.co/WCd0girKma
— Vijay Deverakonda (@TheDeverakonda) December 3, 2020
Advertisements
ఇక విజ‌య్ దేవ‌ర‌కొండ కూడా ఆ కామెంట్ ప‌ట్ల స్పందించాడు. స్ట‌న్నింగ్ అన్నో.. అని కామెంట్ పెట్టాడు. కాగా స‌ద‌రు జాగ‌ర్ సెట్‌ను ది రౌడీ గాఫ్ జాగ‌ర్స్ పేరిట వారి వెబ్‌సైట్‌లో రూ.1290 ధ‌ర‌కు విక్ర‌యిస్తున్నారు. అవే దుస్తుల‌ను ఇటీవ‌లే విజ‌య్, అత‌ని త‌మ్ముడు ఆనంద్ దేవ‌ర‌కొండ‌లు ధరించి ఫొటోలు దిగి వాటిని షేర్ చేశారు. కాగా స‌ద‌రు జాగ‌ర్ సెట్ దుస్తులు ప్ర‌స్తుతం యువ‌త‌ను అమితంగా ఆక‌ట్టుకుంటున్నాయి.
