విజయ్ దేవరకొండ బ్రదర్ ఆనంద్ దేవరకొండ గురించి కొత్తగా పరిచయం చేయాల్సిన పని లేదు. దొరసాని సినిమాతో తెలుగు ఇండస్ట్రీకి హీరోగా పరిచయం అయ్యాడు. ఆ తరువాత మిడిల్ క్లాస్ మెలోడీస్ సినిమాతో ప్రేక్షకుల ముందుకు వచ్చాడు. అలాగే ఇటీవల పుష్పక విమానం సినిమాతో ప్రేక్షకుల ముందుకు వచ్చాడు. అయితే ప్రస్తుతం హైవే సినిమా చేస్తున్నాడు ఈ యంగ్ హీరో.
కేవీ గుహన్ దర్శకత్వంలో తెరకెక్కుతున్న ఈ సినిమా సైకో క్రైమ్‌ థ్రిల్లర్ నేపథ్యంలో తెరకెక్కుతుంది. ఇందులో సరికొత్త లుక్‌లో ఆనంద్ దేవకొండ కనిపించబోతున్నాడు. ఇక ఈ సినిమాలో ఆనంద్ దేవరకొండ సరసన మ‌ల‌యాళ ముద్దుగుమ్మ మానస రాధాకృష్ణన్‌ హీరోయిన్‌గా న‌టిస్తోంది.
భారీ అంఛ‌నాల‌తో తెరకెక్కుతున్న ఈ చిత్రం షూటింగ్ తెలంగాణ, ఆంధ్ర ప్ర‌దేశ్‌, క‌ర్ణాట‌క రాష్ట్రాల్లోని అద్భుత‌మైన లొకేష‌న్స్‌లో చేశారు. ప్రస్తుతం పోస్ట్ ప్రొడ‌క్ష‌న్ కార్య‌క్ర‌మాలు తుది ద‌శ‌లో ఉన్నాయి. అయితే తాజాగా కాన్సెప్ట్ పోస్టర్స్ రిలీజ్ చేశారు మేకర్స్. ఈ పోస్టర్స్ సినిమాపై మరింత ఆసక్తిని పెంచే విధంగా ఉన్నాయి.
ఈ సందర్భంగా నిర్మాత వెంకట్‌ తలారి మాట్లాడుతూ 118 వంటి సూప‌ర్‌హిట్ చిత్రాన్ని తెర‌కెక్కించిన గుహన్ గారి దర్శకత్వంలో ఆనంద్ దేవరకొండ, మానస రాధా కృష్ణ‌న్ హీరో హీరోయిన్లుగా హైవే చిత్రం రూపొందుతోంది. ఈ సినిమాలో బాలీవుడ్ యాక్ట‌ర్స్ అభిషేక్ బెన‌ర్జి, స‌యామీఖేర్ కీల‌క పాత్ర‌ల్లో న‌టిస్తున్నారు. మా బ్యాన‌ర్లో ఎక్క‌డా కాంప్ర‌మైజ్ కాకుండా ఈ చిత్రాన్ని గ్రాండ్‌గా తెర‌కెక్కించాం. ప్రస్తుతం నిర్మాణాంత‌ర కార్య‌క్ర‌మాలు చివ‌రిదశ‌లో ఉన్నాయని తెలిపారు.
అలాగే మరోవైపు కేవీ గుహన్ మాట్లాడుతూ ఒక‌రితో ఒక‌రికి సంభంధం లేని న‌లుగురు వ్య‌క్తుల క‌థే హైవే అని పూర్తిగా హైవే నేప‌థ్యంలోనే సాగే సీట్ ఎడ్జ్ థ్రిల్లర్. టెక్నిక‌ల్ ప‌రంగా హై స్టాండ‌ర్డ్‌లో ఉంటుందని అన్నారు.
Advertisements
