టాలీవుడ్ తో పాటు అన్ని భాష‌ల ప్రేక్ష‌కులంద‌రు ఎదురు చూస్తున్న చిత్రం పుష్ప 2. సుకుమార్ ద‌ర్శ‌క‌త్వంలో అల్లు అర్జున్ ర‌ష్మిక జంట‌గా న‌టించిన పుష్ప చిత్రం ఎన్ని రికార్డులు బ్రేక్ చేసిందో ప్ర‌త్యేకంగా చెప్పాల్సినవ‌స‌రం లేదు.
ఈ ఒక్క సినిమాతో బ‌న్నీ పాన్ ఇండియా స్టార్ గా మారిపోయాడు.పుష్ప..పుష్ప రాజ్ త‌గ్గేదేలే అన్న డైలాగ్ ఇప్ప‌టికీ ట్రెండింగ్ లో న‌డుస్తోంది. ఇక పుష్ప త‌రువాత ప్రేక్ష‌కులంద‌రూ ఎంతో ఆస‌క్తిగా ఎదురుచూస్తున్న చిత్రం పుష్ప2.
ఇప్ప‌టికే దీని కోసం సుకుమార్ క‌థ‌ను రెడీ చేసే ప‌నిలో ఉన్నారు. పుష్ప‌ను మించి పుష్ప 2 పై భారీ అంచ‌నాలు ఉన్నాయి. దీంతో ఎంతో జాగ్ర‌త్త‌గా సుకుమార్ దీని కోసం క‌థ‌ను రెడీ చేస్తున్నారు. చిత్రీక‌ర‌ణ కొద్దిగా ఆల‌స్యం అయినా ప‌ర్లేదు. సినిమా మాత్రం అదిరిపోవాల‌ని అభిమానులు కోరుకుంటున్నారు.
ఇక ఇందుకోస‌మే సుకుమార్ తో పాటు ఈ సినిమా కోసం మ‌రో ద‌ర్శ‌కుడు రంగంలోకి దిగిన‌ట్లు తెలుస్తోంది. ఆ డైరెక్ట‌ర్ మ‌రెవ‌రో కాదు. సుకుమార్ శిష్యుడు బుచ్చిబాబు సాన. ఈయ‌న ఉప్పెన చిత్రంతో బ్లాక్ బ‌స్ట‌ర్ హిట్ అందుకున్నాడు.
ఈ నేప‌థ్యంలో గురువు సుకుమార్ తో క‌లిసి పుష్ప 2 కోసం వ‌ర్క్ చేస్తున్నాడ‌ట. ఇటీవ‌ల గీతా ఆర్ట్స్ కార్యాల‌యంలో స్క్రిప్ట్ వ‌ర్క్ జ‌రుగుతుండ‌గా అక్క‌డ గురుశిష్యులు ద‌ర్శ‌న‌మిచ్చార‌ట. సుకుమార్‌కు చేదోడువాదోడుగా క‌థ విష‌యంలో కొన్ని స‌ల‌హాలు కూడా ఇస్తున్నార‌ట.
దీంతో అభిమానులు ఉప్పెన లాంటి క‌థ చెప్ప‌కు భ‌య్యో అంటూ కామెంట్స్ చేస్తున్నారు.,మ‌రి ఇందులో ఎంత నిజం ఉందో తెలియాలంటే మేక‌ర్స్ నోరు విప్పాల్సిందే.