తెలుగుదేశం జాతీయ ప్రధాన కార్యదర్శి నారా లోకేష్ చేపట్టిన ‘యువగళం’ పాదయాత్ర చిత్తూరు జిల్లాలో కొనసాగుతోంది. ఈ యాత్రలో భాగంగా లోకేష్ వివిధ వర్గాల వారిని కలిసి వారి సమస్యలను తెలుసుకుంటున్నారు. ఈ క్రమంలోనే లోకేష్ కి ఓ ఏపీఎస్ ఆర్టీసీ బస్ డ్రైవర్ షేక్ హ్యాండ్ ఇచ్చారు. తన ఫోన్ కు ఉన్న చంద్రబాబు కవర్ ను అందరికీ చూపించాడు. ఈ విషయం సోషల్ మీడియాలో వైరల్ అయిన విషయం తెలిసిందే.
అయితే ఆ ఆర్టీసీ బస్ డ్రైవర్ తనకు షేక్ హ్యాండ్ చేశారని, జగన్ సర్కార్ అతన్ని ఉద్యోగం నుంచి తొలగించారని లోకేష్ ఆరోపించడం కలకలం రేపింది. తనకు మద్దతు తెలిపినందుకు డ్రైవర్ ను విధుల నుంచి తొలగించారంటూ ప్రభుత్వంపై లోకేష్ విమర్శలు గుప్పించారు. ఆర్టీసీ డ్రైవర్ తన అభిమానాన్ని మాత్రమే చాటుకుంటున్నారని.. ఆయన ఏం నేరం చేశారని ప్రశ్నించారు.
ఆర్టీసీ డ్రైవర్ టీడీపీ, లోకేష్ పట్ల అభిమానాన్ని చూపించారని ఉద్యోగం నుంచి తొలగిస్తారా..? అలాగైతే పోలీస్ స్టేషన్లలో వైసీపీ నేతలతో కేకులు కట్ చేయించిన వాళ్ళ సంగతి ఏంటి? తమ శాడిజానికి ఒక కుటుంబాన్ని రోడ్డుపాలు చేస్తారా? అంటూ తెలుగుదేశం పార్టీ ట్విట్టర్లో పోస్ట్ చేసింది. ఇది కాస్తా సోషల్ మీడియాలో వైరల్ అయింది. దీంతో కొంతమంది ఇది నిజమా? లేక ప్రచారమా? అనే విషయాన్ని ఆర్టీసీ దృష్టికి తీసుకెళ్లారు.
దీంతో ట్విట్టర్ వేదికగా ఈ విషయంపై ఏపీఎస్ ఆర్టీసీ క్లారిటీ ఇచ్చింది. ఇది ఫేక్ న్యూస్ అంటూ ఖండించింది. ‘ఇదంతా తప్పుడు ప్రచారం.. డ్రైవర్ ను ఉద్యోగం నుంచి తొలిగించారని జరుగుతున్న ప్రచారంలో నిజం లేదు. సోషల్ మీడియాలో వచ్చిన ఈ వాదనలను తాము తీవ్రంగా ఖండిస్తున్నాం. ఇలాంటి తప్పుడు ప్రచారానికి బాధ్యులైన సోషల్ మీడియా నిర్వాహకులపై APSRTC తగిన చట్టపరమైన చర్యలు తీసుకుంటుంది’. అంటూ ట్విట్టర్ వేదికగా పోస్ట్ చేసింది. దీంతో ఈ విషయంపై క్లారిటీ వచ్చింది.
This is absolutely false News. We strongly deny these claims made in media.
APSRTC will initiate suitable legal action on the responsible social media administrators for such fake propaganda https://t.co/g5HveEE2R0
— APSRTC (@apsrtc) February 8, 2023