పంజాబ్ ప్రశాంతం.. యూపీలోనూ అదే దృశ్యం

దేశంలో ఐదు రాష్ట్రాల ఎన్నికల ప్రక్రియను కొనసాగిస్తోంది ఎన్నికల సంఘం. ఆదివారం పంజాబ్ లో ఒకే విడత, యూపీలో మూడో విడత పోలింగ్ ముగిసింది. పంజాబ్ లోని 117 స్థానాలకు ఓటింగ్​ జరిగింది. ఉదయం 8 గంటలకు ప్రారంభమైన పోలింగ్.. సాయంత్రం 6 గంటల వరకు జరిగింది.

పోలింగ్​ కేంద్రాలకు తరలివచ్చి తమ ఓటు హక్కును వినియోగించుకున్నారు ప్రజలు. 63 శాతానికి పైగా పోలింగ్​ నమోదైంది. పంజాబ్ ఎన్నికల్లో మొత్తం 1,304 మంది అభ్యర్థులు బరిలో నిలిచారు. ఎలాంటి అవాంఛనీయ సంఘటనలు జరగకుండా కట్టుదిట్టమైన భద్రతా ఏర్పాట్లు చేసి ఎన్నికల ప్రక్రియను ప్రశాంతంగా ముగించింది ఈసీ.

ఇటు ఉత్తర​ప్రదేశ్ లో మూడో దశ పోలింగ్ కూడా ప్రశాంతంగా ముగిసింది. సాయంత్రం 6 గంటల వరకు తమ ఓటు హక్కును వినియోగించుకున్నారు ప్రజలు. 16 జిల్లాల పరిధిలోని 59 అసెంబ్లీ స్థానాలకు ఈ దశలో ఎన్నికలు జరిగాయి.

మొత్తం 627 మంది అభ్యర్థుల భవితవ్యాన్ని ఈవీఎంలలో నిక్షిప్తం చేశారు ఓటర్లు. 57 శాతానికి పైగా ఓటింగ్​ జరిగింది. మొత్తం ఏడు దశల్లో యూపీ ఎన్నికలు నిర్వహిస్తున్నారు.