రష్యా, ఉక్రెయిన్ ల యుద్దం ప్రపంచ దేశాల‌ను వ‌ణికిస్తోంది. యుద్దం చేయ‌మంటూనే రష్యా యుద్దానికి దిగింది. అయితే..ఇలాంటి ఘ‌ట‌న‌లు రష్యాకు కొత్తేమీ కాదంటున్నారు నిపుణులు. ఇంతకుముందు కూడా క్రిమియా, జార్జియాలపైన తన శక్తిని ప్రదర్శించిందని అంటున్నారు. అప్ప‌ట్లో జార్జియాతో యుద్ధ సమయంలో పరిస్థితులు ఎలా ఉన్నాయో.. ఇప్పుడు కూడా అవే పరిస్థితులు కనిపిస్తున్నాయంటున్నారు. ఉక్రెయిన్, రష్యా మధ్య ఉద్రిక్తతలు పెరిగాయి. ఉక్రెయిన్ సరిహద్దు నుంచి తీసిన శాటిలైట్ చిత్రాలు ఆందోళ‌న‌లు రేకెత్తిస్తున్నాయి.
ఆ చిత్రాల ప్రకారం, ఉక్రెయిన్ సరిహద్దులో 100కు పైగా రష్యన్ వాహనాలు ఉన్న‌ట్టు దృవీక‌రించారు అధికారులు. ఇంతేకాదు.. యుద్ధంలో గాయపడే సైనికుల చికిత్స కోసం సరిహద్దులో తాత్కాలిక ఆసుపత్రులను కూడా నిర్మించారు. రష్యా అక్కడ హెలిప్యాడ్ ను నిర్మించిందని.. పెద్ద సంఖ్యలో టెంట్లు కూడా కనిపిస్తున్నాయని అమెరికాకు చెందిన మెక్సర్ అనే సంస్థ విడుదల చేసిన చిత్రాలు తెలియజేస్తున్నాయి.
అయితే.. జార్జియా-రష్యా మధ్య యుద్ధానికి కారణం ఏమిటి..? 13 సంవత్సరాల క్రితం రష్యా ఏ వ్యూహాన్ని అనుసరించింది..? అనేది అనేక కార‌ణాలు ఉన్నాయంటున్నారు నిపుణులు. విదేశాంగ విధాన నివేదిక ప్రకారం.. బీజింగ్ లో వేసవి ఒలింపిక్ క్రీడలకు ముందు 2008లో రష్యా – జార్జియా మధ్య యుద్ధానికి దారితీసే పరిస్థితులు ఏర్పడ్డాయి. ఈ నేపధ్యంలో చైనా అసంతృప్తిని తొలగించడానికి.. ఒలింపిక్ క్రీడలు ముగిసే వరకు వేచి సూచింది రష్యా. ఇప్పుడు రష్యా తీరు కూడా అదే. బీజింగ్ లో వింటర్ గేమ్స్ వీడ్కోలు తర్వాత.. యుద్ధానికి సన్నాహాలు చేసింది. 2008లో జార్జియా నాటోలో చేరకూడదని రష్యా కోరింది. దీనిపై రష్యా విజయం సాధించింది.
ఉక్రెయిన్ పై దాడి చేసి.. తిరిగి అదే పని చేయడానికి రష్యా ప్రయత్నిస్తోంది. ప్రపంచ యుద్ధం తొలి దశలలో 1949లో నాటోను సభ్యదేశాల ఉమ్మడి రక్షణ కోసం ఒక రాజకీయ, సైనిక కూటమిగా ఏర్పాటు చేశారు. అయితే.. ఉక్రెయిన్ నాటోలో చేరకూడదని రష్యా కోరుతోంది. ఉక్రెయిన్ నాటోలో చేరితే రష్యాకు ఇబ్బందులు తప్పవనేది జ‌గ‌మెరిగిన స‌త్యం. ఇదే జరిగితే నాటో బలగాలు రష్యా సరిహద్దుకు చేరుకోవడంతో పాటు ప్రతీకార చర్యలు పెరుగుతాయి. ఇది మాత్రమే కాదు.. 2008లో రష్యా.. జార్జియాలోని అబ్ఖాజియా, దక్షిణ ఒస్సేటియాలను స్వతంత్ర దేశాలుగా గుర్తించింది. ఇప్పుడు రష్యా ఉక్రెయిన్‌లోని డొనెట్స్క్, లుహాన్స్క్ ప్రాంతాన్ని గుర్తించింది.
డిడబ్ల్యూ తెలిపిన వివరాల ప్రకారం నాటో ప్రపంచంలోనే అతిపెద్ద సైనిక సంస్థ. దీని ఉనికి ప్రపంచవ్యాప్తంగా ఉంది. నాటో అనేది ఉత్తర అమెరికా, ఐరోపాలోని ఒక సాధారణ రాజకీయ, సైనిక సంస్థ. ఇది 1949 సంవత్సరంలో ఏర్పడింది. రెండవ ప్రపంచ యుద్ధం తర్వాత ఏర్పడిన ఈ సంస్థ ప్రధాన లక్ష్యం సోవియట్ యూనియన్ పరిధిని పరిమితం చేయడం. ఇంతేకాకుండా ఐరోపా ఖండంలో రాజకీయ ఐక్యతను స్థాపించడానికి ఐరోపాలో జాతీయవాద ఆలోచనలను అణచివేసేందుకు అమెరికా దీనిని ఉపయోగించింది.
ఇప్పుడు ఉక్రెయిన్ లోకి సేనల ప్రవేశానికి రష్యా డొనెట్స్క్, లుహాన్స్క్ ప్రాంతాలను ఎంచుకుంది. దీనికి రెండు కారణాలున్నాయి. మొదటిది ఇక్కడ రష్యన్ మాట్లాడే ప్రజల సంఖ్య ఎక్కువగా ఉండ‌టం అయితే.. ఈ ప్రదేశాలలో ఉక్రెయిన్ కు వ్యతిరేకంగా పెరుగుతున్న వేర్పాటువాదం రెండవ కారణం. అందుకే ఉక్రెయిన్ లో సైన్యం ప్రవేశానికి రష్యా ఈ ప్రదేశాలను ఎంపిక చేసుకుంద‌ని చెప్తున్నారు. ఉక్రెయిన్ పై దాడి చేయడంలో రష్యా విజయం సాధిస్తే పరిస్థితి మరింత దిగజారుతుందని నిపుణులు అంచనా వేస్తున్నారు. కానీ..ఈ యుద్దంలో రష్యాతో దీటుగా ఉక్రెయిన్ పోరాడ‌టం గ‌మ‌నార్హం.
