ప్రస్తుతం సినీ ప్రపంచం లో రీ-రిలీజ్ ల హవా నడుస్తోంది.గత రెండు,మూడు నెలల నుండి ఈ ట్రెండ్ మరింత జోరు అందుకుంది. ఇప్పటికే టాలీవుడ్‌లో ఇలా మూడు, నాలుగు సినిమాలు రిలీజై మంచి కలెక్షన్‌లు కూడా సాధించాయి.
స్టార్‌ హీరోల బర్త్‌డేలు అయిన, స్టార్‌ హీరోలు నటించిన సినిమాలు పది, ఇరవై సంవత్సరాలు పూర్తి చేసుకున్న సందర్భంగా 4K ప్రింట్‌తో రీ-రిలీజ్ చేస్తున్నారు. కాగా ఇప్పుడు సూపర్‌ స్టార్‌ రజనీకాంత్‌ నటించిన బాబా రి-రిలీజ్‌కు సిద్ధమైంది.
బాబా సినిమా 2002లో రిలీజైంది. ‘నరసింహా’ వంటి బ్లాక్‌బస్టర్‌ తర్వాత మూడేళ్లు గ్యాప్‌ తీసుకుని రజనీ ఈ చిత్రాన్ని చేశాడు.సురేష్‌ కృష్ణ దర్శకత్వం వహించిన ఈ చిత్రం మళ్లీ 20ఏళ్ల తర్వాత రీ-రిలీజ్ కానుంది. అయితే కేవలం తమిళంలోనే ఈ సినిమా రిలీజ్ కానుంది. తాజాగా మేకర్స్ ఈ సినిమా ట్రైలర్‌ను రీ-రిలీజ్ చేశారు.
లేటెస్ట్‌గా రిలీజైన ఈ ట్రైలర్ ప్రేక్షకులను ఆకట్టుకుంటుంది. ఇప్పుడున్న ట్రెండ్‌కు తగ్గట్టు ట్రైలర్‌ను బాగా కట్ చేశారు. ట్రైలర్‌ను గమనిస్తే సినిమాలో కొన్ని సీన్స్‌ యాడ్‌ చేసినట్లు తెలుస్తుంది. సూపర్‌ నేచురల్‌ యాక్షన్ ఫిలిమ్‌ నేపథ్యంలో తెరకెక్కిన ఈ సినిమాలో రజనీకు జోడీగా మనీషా కొయిరాల నటించింది.
ఏ.ఆర్‌ రెహమాన్‌ సంగీతం అందించిన ఈ చిత్రాన్ని లోటస్‌ ఇంటర్నేషనల్ బ్యానర్‌పై రజనీ స్వీయ నిర్మాణంలో తెరకెక్కించాడు. ఈ చిత్రం అప్పట్లో అత్యంత భారీ బడ్జెట్‌తో తెరకెక్కిన సినిమాగా రికార్డు క్రియేట్‌ చేసింది. భారీ అంచనాల నడుమ రిలీజైన ఈ చిత్రం మొదటి రోజు నుండి డివైడ్‌ టాక్‌ తెచ్చుకుని డిస్ట్రిబ్యూటర్‌లకు నష్టాల్ని తెచ్చిపెట్టింది. కాన్సెప్ట్‌ కొత్తదే అయినా, కథనం బోరింగ్‌గా ఉండటంతో ప్రేక్షకులు ఈ చిత్రాన్ని తిరస్కరించారు.