న‌ట‌ర‌త్న నంద‌మూరి బాలకృష్ణ హోస్ట్ గా చేస్తున్న అన్ స్టాపబుల్ టాక్ షో సీజన్ 1 ఎంతో విజ‌యాన్ని సాధించింది. సీజన్ 1 భారీ విజ‌యాన్ని సాధించ‌డంతో నిర్మాత‌లు దానికి కొన‌సాగింపుగా సీజన్ 2 నిర్మించాల‌నుకున్నారు.
అనుకున్న‌దే త‌డ‌వుగా సీజన్ 2 ప్ర‌క‌టించారు. ఇప్పుడు తాజాగా భారీ స్థాయిలో ప్రొమో షూట్‌. అందుకు త‌గినట్లుగా విజ‌య‌వాడ‌లో రిలీజ్ తో అంత‌కంత‌కూ ప్రేక్ష‌కుల్లో ఆస‌క్తిని పెంచుతోంది.రెండో సీజన్లో గెస్ట్లుగా ఎవరు వస్తారు? తొలి ఎపిసోడ్ అతిథి ఎవరు? అనే విషయాలపై సీజన్-1 ముగిసినప్పటి నుంచే చర్చ సాగుతోంది. ఇలాంటి సమయంలో ఓ ఫొటో.. నెట్టింట చర్చనీయాంశమైంది.
ఆహా ఓటీటీలో ప్రసారమయ్యే అన్స్టాపబుల్ సెట్ దగ్గర.. ఆంధ్రప్రదేశ్ మాజీ సీఎం, తెలుగుదేశం అధినేత చంద్రబాబుతో బాలయ్య ఉన్న ఫొటో బయటకు వచ్చింది. దీంతో.. అన్స్టాపబుల్ రెండో సీజన్ చంద్రబాబు ఎపిసోడ్తోనే ప్రారంభం కావచ్చని టాక్ వినిపిస్తోంది.అన్స్టాపబుల్ సీజన్-1కు తొలి గెస్ట్గా దిగ్గజ నటుడు మోహన్ బాబును ఆహ్వానించారు.
ఆ ఎపిసోడ్లో మోహన్ బాబుతో కలిసి బాలయ్య చేసిన హంగామా అంతా ఇంతా కాదు. ఆ తర్వాత వచ్చిన ఎపిసోడ్లలోనూ కుర్ర నటులతో కలిసి అదే స్థాయిలో హడావుడి చేశారు. పెళ్లి విషయంలో రానాను టీజ్ చేసి, నానితో కలిసి క్రికెట్ ఆడి, అల్లు అర్జున్తో కలిసి పుష్ప స్టెప్పులేసి.. సెట్లో దుమ్మురేపారు బాలకృష్ణ. సూపర్స్టార్ మహేశ్ బాబుతో సీజన్-1కు గ్రాండ్ ఫినిషింగ్ ఇచ్చారు.
ఇప్పుడు సీజన్-2లో చంద్రబాబును బాలయ్య హోస్ట్ చేస్తే.. అన్స్టాపబుల్ షో ఇంకా ఏ రేంజ్లో ఉంటుందా అని అంతా అనుకుంటున్నారు. ఇంతకుముందు వచ్చిన గెస్ట్లతో పోల్చితే చంద్రబాబు పూర్తిగా భిన్నం. సినీ పరిశ్రమతో పెద్దగా సంబంధం లేని రాజకీయ నేత. బాలయ్యకు స్వయానా బావ. వీరిద్దరి సంభాషణ ఎలా ఉంటుంది, చంద్రబాబుతో బాలయ్య ఎలాంటి టాస్క్లు చేయిస్తారు అనేది ఆసక్తికరంగా మారింది.