కేసీఆర్ నువ్వు కూడా జైలుకే వెళ్తావ్ అని బీజేపీ రాష్ట్ర అధ్యక్షుడు బండి సంజయ్ కేసీఆర్ ను హెచ్చరించారు. టీఎస్‌పీఎస్‌సీ కార్యాలయం వద్ద బీజేపీ యువ మోర్చా ఆధ్వర్యంలో చేపట్టిన ధర్నా సందర్భంగా అరెస్ట్ చేసిన బీజేవైఎం అధ్యక్షుడు భానుప్రకాష్‌ను ఆయ‌న డిమాండ్ చేశారు. భానును విడుదల చేయాలనేది తమ రిక్వెస్ట్ కాదని వార్నింగ్ అని సంజయ్ హెచ్చరించారు.
భాను అరెస్ట్ విషయంలో ఐజీ ప్రభాకర్‌కు సిగ్గుండాలని మండిప‌డ్డ బండి సంజయ్… లాలూ, కరుణానిధికి ఏం జరిగిందో కేసీఆర్ గుర్తుచేసుకోవాలని హితవు పలికారు. భానుప్రకాష్‌పై చేయి పడితే ఫామ్‌హౌస్‌పై చేయి వేయాల్సి వస్తుందని హెచ్చరించారు.
నాంప‌ల్లిలోని టీఎస్‌పీఎస్‌సీ కార్యాలయం వద్ద బీజేపీ యువ మోర్చా ఆధ్వర్యంలో చేపట్టిన మెరుపు ధర్నా ఉద్రిక్తంగా మారింది. తెలంగాణలో ఖాళీగా ఉన్న 2లక్షల ఉద్యోగాలకు వెంటనే నోటిఫికేషన్ ఇవ్వాలని, నిరుద్యోగులకు భృతి చెల్లించాలని డిమాండ్ చేశారు. ఈ సందర్భంగా భాను ప్ర‌కాష్ ను అరెస్ట్ చేసి న‌గ‌రంలోని పోలీస్ స్టేష‌న్ల‌కు తిప్పుతున్నారు.
