ఇంగ్లాండ్ ఆల్ రౌండర్ బెన్ స్టోక్స్ చేసిన విన్యాసం ఇప్పుడు అందరినీ ఆకట్టుకుంటోంది. బెన్ స్టోక్స్ కి సంబంధించిన ఓ వీడియో సోషల్ మీడియాలో తెగ వైరల్ అవుతోంది. అతను చేసిన దానికి వావ్ అంటూ నెటిజన్లు ఫిదా అవుతున్నారు. క్రికెటర్లలో అత్యుత్తమ ఆల్‌రౌండర్‌గా చలామణి అవుతున్న బెన్ స్టోక్స్ బ్యాటింగ్‌, బౌలింగ్‌లోనే కాకుండా ఫీల్డింగ్‌లోనూ తానే బెస్ట్‌ అని మరోసారి నిరూపించుకున్నాడు.
సామ్‌ కర్రన్‌ వేసిన ఇన్నింగ్స్‌ 12వ ఓవర్‌లో మిచెల్‌ మార్ష్‌ భారీ షాట్‌ ఆడాడు. ఆ షాట్‌ తప్పక బౌండరీ అవతల పడుతుందని బౌలర్‌తో పాటు అందరూ అనుకున్నారు. క్రీజ్‌లో ఉన్న బ్యాటర్లు సైతం ఇలాగే అనుకుని పరుగు తీయడం కూడా మానుకున్నారు. కానీ ఈ లోపు బౌండరీ లైన్‌ వద్ద స్టోక్స్ గాల్లోకి సూపర్ మ్యాన్ లా ఎగిరి రోప్‌ బయట పడాల్సిన బంతిని లోపలికి నెట్టేశాడు. కళ్లు చెదిరే ఈ విన్యాసం చూసి గ్రౌండ్‌లో ఉన్న వాళ్లంతా షాక్ అయ్యారు. ఈ లోపు క్రీజ్‌లో ఉన్న బ్యాటర్లు స్టోక్స్ విన్యాసం చూసిన షాక్‌లోనే రెండు పరుగులు పూర్తి చేశారు.
కాగా ఆసీస్‌తో బుధవారం జరిగిన మ్యాచ్‌లో బ్యాట్‌తో మెప్పించలేకపోయిన స్టోక్స్ 11 బంతుల్లో 7 పరుగులు చేసి, 10 ఓవర్లలో ఒక వికెట్ తీశాడు. ఇక ఫీల్డింగ్‌ లో స్టోక్స్ అదరగొట్టాడు. ముఖ్యంగా స్టోక్స్ ఫీల్డ్‌ లో పాదరసంలా కదిలాడు. తాను చేసిన పరుగుల కంటే ఎక్కువగా సేవ్‌ చేశాడు. ఇదిలా ఉంటే, కాన్‌బెర్రా వేదికగా జరిగిన ఈ మ్యాచ్‌లో పర్యటక ఇంగ్లాండ్.. ఆసీస్‌పై 8 పరుగుల తేడాతో విజయం సాధించింది. ఫలితంగా మరో మ్యాచ్‌ మిగిలుండగానే 3 మ్యాచ్‌ల సిరీస్‌ను 2-0 తేడాతో కైవసం చేసుకుంది.
టాస్‌ ఓడి తొలుత బ్యాటింగ్‌ చేసిన ఇంగ్లాండ్ నిర్ణీత ఓవర్లలో 7 వికెట్ల నష్టానికి 178 పరుగులు చేయగా.. ఛేదనలో ఆసీస్‌ 6 వికెట్లు కోల్పోయి లక్ష్యానికి 9 పరుగుల దూరంలో 170 పరగుల వద్ద నిలిచిపోయింది. ఇంగ్లాండ్ బ్యాటర్లు డేవిడ్‌ మలాన్‌ 82 పరుగులు, మొయిన్‌ అలీ 44 పరుగులు మెరుపు ఇన్నింగ్స్‌లతో తమ జట్టుకు స్కోర్‌ను అందించారు.
Simply outstanding! Ben Stokes saves six with some acrobatics on the rope! #AUSvENG #PlayOfTheDay | #Dettol pic.twitter.com/5vmFRobfif
— cricket.com.au (@cricketcomau) October 12, 2022