పవర్ స్టార్ పవన్ కళ్యాణ్ భీమ్లా నాయక్ ట్రైలర్ వచ్చేసింది. పవన్ ఫ్యాన్స్ ఈ సమయం కోసం ఎంతగానో ఎదురు చూశారు. వకీల్ సాబ్ సినిమా తర్వాత పవన్ ఇప్పటివరకు ప్రేక్షకుల ముందుకు రాలేదు. దీంతో బిగ్ స్క్రీన్ పై పవన్ ని చూసేందుకు ఫ్యాన్స్ ఎప్పటి నుంచో ఆసక్తిగా ఎదురు చూస్తున్నారు. వారి అందరి కోరిక ఫిబ్రవరి 25న తీరబోతుంది.
ఈ చిత్రం ఫిబ్రవరి 25న రిలీజ్ కాబోతోంది. ఇక ఇప్పటికే ఈ సినిమాకు సంబంధించి విడుదలైన సాంగ్స్ అన్ని కూడా ప్రేక్షకులను ఆకట్టుకోగా ట్రైలర్ ను దుమ్ము రేపే విధంగా కట్ చేశారు మేకర్స్.
పవన్ ఫ్యాన్స్ కు కావలసిన మసాలాలను ఈ ట్రైలర్ లో చూపించారు. మలయాళంలో సూపర్ హిట్ సాధించిన అయ్యప్పనుమ్ కోషియుమ్ చిత్రానికి రీమేక్ గా తెరకెక్కుతున్న ఈ సినిమాలో రానా దగ్గుబాటి కూడా మరో హీరోగా నటిస్తున్నారు.
అలాగే నిత్యమీనన్, సంయుక్త మీనన్ హీరోయిన్స్ గా నటిస్తున్నారు. ఎస్ఎస్ తమన్ సంగీతం అందిస్తున్న ఈ సినిమాను సితార ఎంటర్టైన్మెంట్స్ బ్యానర్ పై సూర్యదేవర నాగవంశీ నిర్మిస్తున్నారు.
https://youtube.com/shorts/71vEd7Dmg00?feature=share
