హీరోయిన్ గా కెరీర్ బిగిన్ చేసి అక్క పాత్రలు, ఆంటీ పాత్రలతో కెరిర్ని సరిపెట్టుకున్న హీరోయిన్లు చాలా మందే ఉన్నారు. కానీ తమకంటు ఓ స్టార్ డమ్ క్రియేట్ చేసుకుని కంటిన్యూ చేస్తున్నవాళ్ళల్లో నయనతార ఒకరు.
లేడీ సూపర్ స్టార్ గా ఇమేజ్ క్రియేట్ చేసుకుని, యాక్షన్, హర్రర్ సినిమాలను చేస్తూ వీలు చిక్కినప్పుడు హీరోయిన్ గా నటిస్తోంది నయన్. దక్షణాదిలోనే కాదు ఉత్తరాదిలో కూడా అదే లెవెల్ని మేంటైన్ చేస్తోంది.
అయితే తాజాగా నయన్ నటించిన చిత్రం ‘కనెక్ట్’. ఈ సినిమా ప్రమోషన్ నిమిత్తం ఆమె ఇచ్చిన ఇంటర్య్యూలో హారర్ సినిమాలు చూడటమే కాదు..నటించడం కూడా తనకు ఇష్టమని చెప్పుకొచ్చింది.
నయన్ చేసిన హారర్ థ్రిల్లర్ ‘కనెక్ట్’ ఇటీవలే తెలుగు, తమిళ భాషల్లో థియేటర్స్ లో విడుదలైంది. కానీ బాక్సాపీస్‌ దగ్గర ఆకట్టుకోలేకపోయింది. అయినప్పటికీ మరో హారర్ సినిమాలో నటించేందుకు నయనతార రెడీ అవుతోంది.
ఖైదీ, విక్రమ్ లాంటి వరుస బ్లాక్ బస్టర్స్‌‌తో దూసుకెళ్తున్న డైరెక్టర్ లోకేష్‌ కనగరాజ్.. త్వరలో నయనతారతో ఓ సినిమా చేసేందుకు ప్లాన్ చేస్తున్నాడు. కాకపోతే ఈ సినిమాకు అతను డైరెక్టర్ కాదు. కమల్ హాసన్‌‌తో కలిసి దీన్ని నిర్మించబోతున్నాడట.
ఈ హారర్ థ్రిల్లర్‌‌‌‌కి స్టోరీ మాత్రం అతనే ఇస్తున్నాడట. రత్నకుమార్ డైరెక్ట్ చేయనున్నాడు. ఇందులో లారెన్స్ హీరోగా నటించబోతున్నట్టు తెలుస్తోంది. లారెన్స్, నయన్ కలిసి నటించబోయే ఫస్ట్ మూవీ ఇదే కానుంది.
ప్రస్తుతం ప్రీ ప్రొడక్షన్‌ వర్క్ జరుగుతోంది. అతి త్వరలో అనౌన్స్‌ చేయనున్నారు. ఇక ప్రస్తుతం షారుఖ్‌‌కి జంటగా ‘జవాన్‌’లో నటిస్తోంది నయనతార. అట్లీ డైరెక్ట్ చేస్తోన్న ఈ చిత్రంతో ఆమె బాలీవుడ్‌ ఎంట్రీ ఇస్తోంది.