ఇంకో నాలుగు రోజుల్లో థియేట‌ర్ల‌లో సంద‌డి చేయ‌నుంది భీమ్లా నాయక్ చిత్రం. షెడ్యూల్ ప్ర‌కారం 21(నేడు)న ప్రీ రిలీజ్ ఈవెంట్ ఉంది. దీనికి సంబంధించి ఏర్పాట్లు కూడా చేశారు. అయితే.. మంత్రి గౌతం రెడ్డి మృతితో ప్రీ రిలీజ్ ను వాయిదా వేసింది చిత్ర‌బృందం.
Our deepest condolences to the family & friends of AP Minister Mekapati Goutham Reddy garu on his sudden demise. As a mark of respect, the pre-release event of #BheemlaNayak won't be happening today!
— Sithara Entertainments (@SitharaEnts) February 21, 2022
Advertisements
ఈ మేర‌కు ట్విట్ట‌ర్ లో నిర్మాణ సంస్థ సితార ఎంట‌ర్ టైన్ మెంట్స్ పోస్ట్ పెట్టింది. ఏపీ మంత్రి మేకపాటి గౌతమ్ రెడ్డి ఆకస్మిక మృతి పట్ల విచారం వ్య‌క్తం చేస్తూ.. ఆయన కుటుంబ సభ్యులకు, స్నేహితులకు ప్రగాఢ సానుభూతి తెలియ‌జేసింది. ఈ సంద‌ర్భంగా భీమ్లా నాయక్ ప్రీ రిలీజ్ ఈవెంట్ జ‌ర‌గ‌డం లేద‌ని స్ప‌ష్టం చేసింది.
భీమ్లా నాయక్ మూవీ ప్రీ రిలీజ్ కార్యక్రమానికి ముఖ్యఅతిథిగా మంత్రి కేటీఆర్ ను ఆహ్వానించారు. శ‌నివార‌మే పోస్ట‌ర్ ను కూడా వ‌దిలారు. అయితే మంత్రి మృతితో ఈవెంట్ ఆగిపోయింది.
సాగర్ కే చంద్ర దర్శకత్వంలో తెరకెక్కిన ఈ సినిమాలో పవన్ కళ్యాణ్ తో పాటు రానా కూడా నటించాడు. నిత్యమీనన్, సంయుక్త మీనన్ హీరోయిన్స్ గా చేశారు. మలయాళంలో సూపర్ హిట్ సాధించిన అయ్యప్పనుమ్ కోషియమ్ చిత్రానికి ఇది రీమేక్‌.
