‘హైదరాబాద్’ పట్టభద్రుల ఎమ్మెల్సీ ఎన్నికల ఓట్ల లెక్కింపులో ఉత్కంఠకు తెరపడింది. టీఆర్ఎస్ అభ్యర్థి, మాజీ ప్రధాని పీవీ కుమార్తె సురభి వాణీదేవి విజయం సాధించారు. బీజేపీ అభ్యర్థి రామచంద్రరావుపై రెండో ప్రాధాన్యతా ఓటుతో ఆమె గెలుపొందారు.
మొదటి ప్రాధాన్యతా ఓట్లలో విజయానికి కావాల్సిన ఓట్లు ఎవరికీ రాలేదు. దీంతో 91 మందిని ఎలిమినేట్ చేశారు. వాణీదేవికి తొలి ప్రాధాన్యతగా 1,12,689 ఓట్లు రాగా.. 36,580 రెండో ప్రాధాన్యతా ఓట్లు వచ్చాయి. మొత్తం 1,49,269 ఓట్లతో వాణీదేవి గెలిచారు. బీజేపీ అభ్యర్థి రామచందర్‌రావుకి 1,19,198 ఓట్లు వచ్చాయి. రామచందర్‌రావు ఓటమితో బీజేపీ తన సిట్టింగ్‌ స్థానాన్ని కోల్పోవడంతో పాటు.. మండలిలో ప్రాతినిధ్యాన్ని కోల్పోయింది.
