ముంబై కంట్రోల్‌ రూమ్‌ కు వచ్చిన ఓ ఫోన్ కాల్.. పోలీసుల్ని పరుగులు పెట్టించింది. బాలీవుడ్ మెగాస్టార్, బిగ్ బీ అమితాబ్ బచ్చన్ ఇల్లు, మూడు రైల్వే స్టేషన్లలో బాంబులు పెట్టామంటూ బెదిరించాడు గుర్తు తెలియని వ్యక్తి. దీంతో అప్రమత్తమైన పోలీసులు అమితాబ్ ఇంటికి వెళ్లారు. పలు రైల్వే స్టేషన్ల దగ్గర భద్రత పెంచారు.
బాంబు స్క్వాడ్ తో తనిఖీలు చేపట్టారు పోలీసులు. అయితే ఎలాంటి పేలుడు పదార్ధాలు లభించలేదు. దీంతో అది ఫేక్ కాల్ అని తేల్చారు. ఆగస్టు 15 దగ్గర పడుతుండడంతో సమస్యాత్మక ప్రాంతాల్లో భద్రత కట్టుదిట్టం చేశారు. బాంబు బెదిరింపు కాల్ పై దర్యాప్తు జరుగుతోంది.
