గత కొద్ది రోజులుగా బీఆర్ఎస్‌ ఎమ్మెల్యే రాజయ్య పేరు వార్తల్లో మారుమ్రోగుతుంది. ఈ క్రమంలో ఆయన రాజకీయంగా ఎదుర్కోలేకే తనపై లైంగిక ఆరోపణలంటూ భావోద్వేగానికి గురయ్యారు.
స్టేషన్ ఘనపూర్‌లో జరుగుతున్న రాజకీయ పరిణామాలు, ఆయన పై వస్తున్న లైంగిక ఆరోపణల నేపథ్యంలో తీవ్ర భావోద్వేగానికి గురయ్యారు రాజయ్య.
బుధవారం ఓ ప్రైవేట్‌ కార్యక్రమంలో పాల్గొన్న రాజయ్య..”నన్ను రాజకీయంగా ఎదురుకునే దమ్ములేకనే కొందరు దిగజారిన రాజకీయాలు చేస్తున్నారని ఆవేదన వ్యక్తం చేశారు. దమ్ముంటే నాపై పోటీచేసి గెలవాలని సవాల్ విసిరారు. తన కూతురుతో సమాన వయసున్న మహిళలను అడ్డం పెట్టుకొని.. రాజకీయాలు చేస్తున్నారని మండి పడ్డారు”.
తాను ఏ తప్పు చేయలేదన్నారు.. ఎవరెన్ని కుట్రలు చేసినా స్టేషన్ ఘనపూర్ లో 5వ సారి భారీ మెజారిటీతో గెలిచి తీరుతా అంటూ శపథం చేశారు ఎమ్మెల్యే రాజయ్య.