ఫొటో వైర‌ల్‌.. క్లారిటీ ఇచ్చిన డైరెక్ట‌ర్‌..!!

రెండు రోజుల క్రితం డైరెక్ట‌ర్ సుకుమార్ తో క‌లిసి ఉప్పెన డైరెక్ట‌ర్, సుకుమార్ ప్రియ శిష్యుడు అయిన బుచ్చిబాబు ఏదో విష‌యం గురించి చ‌ర్చిస్తున్న చిత్రం ఒక‌టి నెట్టింట్లో హ‌ల్‌చ‌ల్ చేసింది. దాంతో కొంద‌రు పుష్ప‌2 చిత్రానికి బుచ్చిబాబే డైరెక్ట‌ర్ అంటూ ఫిక్స్ అయిపోయారు.

అయితే ఈ వార్త‌ల‌పై బుచ్చిబాబు ఫుల్ క్లారిటీ ఇచ్చారు. ఈ వార్త‌ల్లో ఏమాత్రం నిజం లేదంటూ తెలిపారు. త‌ను త‌రువాత తీయ‌బోయే చిత్రం కోసం సుకుమారే స‌హ‌కారం అందిస్తున్నారని స్ప‌ష్టం చేశాడు. వైర‌ల్ అయిన పిక్‌ని షేర్ చేస్తూ…. ఈ ఫొటో నేను చేయ‌బోయే త‌దుప‌రి సినిమా క‌థ డిస్క‌ష‌న్స్ సంద‌ర్భంలోనిది. మా గురువు సుకుమార్ సార్ నా కోసం, నా సినిమా క‌థ కోసం స‌హాయం చేయ‌డానికి వ‌చ్చారు. అంతే కానీ ఆయ‌న సినిమా క‌థ‌లో కూర్చుని డిస్క‌ష‌న్ చేసేంత స్థాయి నాకు లేదు. ఆయ‌న నుంచి నేర్చుకోవ‌డం, తీసుకోవ‌డ‌మే త‌ప్ప‌…. ఆయ‌న‌కి ఇచ్చేంత లేదు అని బుచ్చిబాబు ట్విట్ చేశారు.

కానీ త‌న త‌రువాత సినిమా ఏంటి అనే విష‌యం మాత్రం బుచ్చిబాబు క్లారిటీ ఇవ్వ‌లేదు. ఫొటో విష‌యం గురించి స్ప‌ష్ట‌త‌నైతే ఇచ్చాడు కానీ త‌న సినిమా గురించి మాత్రం చెప్ప‌లేదు. జూనియ‌ర్ ఎన్టీఆర్ తో త‌దుప‌రి సినిమా ఉంటుంద‌ని ప్ర‌చార‌మైతే జ‌రుగుతోంది కానీ అది ఇంకా క‌న్ఫ‌మ్ కాలేదు.

అయితే… స్క్రిప్టులోకి సుకుమార్ దిగాడంటే… ఇది క‌చ్చితంగా తార‌క్ సినిమానే అయ్యుంటుంద‌న్న అభిప్రాయాలు వ్య‌క్త‌మ‌వుతున్నాయి.

ఈ photo నేను తరువాత చేయబోయే నాసినిమాకథ Discussion సందర్భంలోది మాగురువుగారు@aryasukku సుకుమార్ Sir నా కోసం నా సినిమా కథ కోసం Help చేయడానికి వచ్చారు. సుకుమార్ Sir సినిమా కథలో కూర్చుని Discussion చేసేంత స్థాయి నాకు లేదు రాదు.ఆయన నుంచి నేర్చుకోవడం తీసుకోవడమే తప్ప , ఆయనకి ఇచ్చేంత లేదు pic.twitter.com/KN7qmbLg6X

— BuchiBabuSana (@BuchiBabuSana) July 28, 2022