దేశంలోని అతిపెద్ద ప్రభుత్వ బ్యాంకు అంటే అందరికి కూడా స్టేట్ బ్యాంక్ ఆఫ్ ఇండియా గుర్తొస్తుంది. ఇది వ్యాపారులకు బంపర్ ఆఫర్ ప్రకటించింది. SBI ప్లాటినం కరెంట్ అకౌంట్ తెరవడానికి అనుమతిస్తుంది.చిన్న వ్యాపారులు, నిపుణులు ఇంకా అలాగే వ్యాపారవేత్తలకు ఈ అకౌంట్ ఎంతో అనుకూలంగా ఉంటుంది. SBI ప్లాటినం అకౌంట్ అనేక ప్రయోజనాలను అందిస్తుంది. ఇటీవల SBI తన అధికారిక ట్విట్టర్ హ్యాండిల్ నుంచి SBI ప్లాటినం కరెంట్ అకౌంట్ ప్రయోజనాల గురించి ట్వీట్ చేసింది. మరిన్ని వివరాల కోసం sbi.co.in/web/business/sme/current-accountsని చూడండి.
SBI ఆఫీషియల్ వెబ్‌సైట్ ప్రకారం.. ప్లాటినం కరెంట్ ఖాతా వ్యాపారానికి మంచిది. ఇక ఈ కరెంట్ అకౌంట్ అన్ని ప్రధాన సేవలను అన్‌లిమిటెడ్‌గా ఉచితంగా అందిస్తుంది. దేశవ్యాప్తంగా పెద్ద మొత్తంలో నగదు లావాదేవీలు నిర్వహించవచ్చు. అదే ఇతర ఖాతాదారులకు ఇది చాలా ఖర్చుతో కూడుకున్నది. వ్యాపారం చేసే వారు ఎస్బీఐలో చెల్లుబాటు అయ్యే KYC పత్రాలు అందించి కరెంట్ ఖాతాను ఓపెన్‌ చేయగలరు. ప్లాటినం కరెంట్ ఖాతా గురించి మరింత సమాచారం కోసం దయచేసి సమీపంలోని SBI శాఖను సంప్రదించండి లేదా sbi.co.in చూడండి.
ప్లాటినం కరెంట్ అకౌంట్ లక్షణాలు…
* నెలవారీ సగటు బ్యాలెన్స్ రూ. 10,00,000 ఉండాలి.
* నెలకు రూ. 2 కోట్ల వరకు ఫ్రీ నగదు డిపాజిట్
* హోమ్ బ్రాంచ్ నుంచి అపరిమిత నగదు విత్‌ డ్రా సౌకర్యం
* అన్లిమిటెడ్ ఫ్రీ RTGS & NEFT
*అన్లిమిటెడ్ ఫ్రీ మల్టీసిటీ చెక్ లీఫ్
*అన్లిమిటెడ్ ఫ్రీ డిమాండ్ డ్రాఫ్ట్‌లు
* రోజుకు రూ. 2,00,000 విత్‌ డ్రా పరిమితితో ఉచిత ప్రీమియం, బిజినెస్ డెబిట్ కార్డ్
* మొత్తం 22000 బ్రాంచ్‌లలో నగదు విత్‌ డ్రా & డిపాజిట్ సౌకర్యం
* సురక్షితమైన, వేగవంతమైన కార్పొరేట్ ఇంటర్నెట్ బ్యాంకింగ్‌కు ఉచిత యాక్సెస్
* నామినేషన్ సౌకర్యం
*అకౌంట్ మైంటైనన్స్ ఫీజ్ : రూ 550 + GST
కరెంట్ అకౌంట్ మూసివేత ఛార్జీలు 14 రోజుల వరకు – సున్నా
*14 రోజుల తర్వాత కరెంట్ అకౌంట్ క్లోజర్ ఛార్జీలు – రూ.1000 ప్లస్ GST
* మనీ పికప్: రూ.2 లక్షల వరకు ఫ్రీ.
