కెనడాలో ట్రూడో సర్కార్ కీలక నిర్ణయం తీసుకుంది. దేశంలో హ్యాండ్ గన్స్ అమ్మకాలు, కొనుగోలు, సరఫరాపై నిషేధం విధించింది. ఈ మేరకు దేశ ప్రధాని జస్టిస్ ట్రూడో ఆదేశాలు జారీ చేశారు.
ఈ కొత్త నిబంధనలు వెంటనే అమలులోకి వస్తాయని ఆయన పేర్కొన్నారు. ఇటీవల కాల్పుల ఘటనల్లో మరణించిన వారి కుటుంబాలను ఉద్దేశించి ఆయన మాట్లాడారు.
దేశంలో కాల్పుల ఘటనలను అడ్డుకట్ట వేసేందుకు కొత్తగా నిర్ణయాలు తీసుకున్నట్టు ఆయన వెల్లడించారు. అందులో భాగంగా దేశంలోకి కొత్తగా హ్యాండ్ గన్స్ దిగుమతి కాకుండా అడ్డుకుంటామని ఆయన తెలిపారు.
దేశంలో తుపాకీ హింస పెరుగుతోందని ఆయన ఆవేదన వ్యక్తం చేశారు. దీనిపై కెనడా పార్లమెంట్‌‌లో ట్రూడో సర్కార్ మేలో సీ–21 బిల్లును ఈ ఏడాది మేలో ప్రవేశపెట్టింది.
వచ్చే ఏడాది అగస్టు నాటికి ఈ చట్టం అమల్లోకి రానుంది. అంత వరకు ఈ నిషేదాజ్ఞలు అమలులో వుండనున్నాయి. గన్స్ ను నియంత్రించేందుకు గత 40 ఏండ్లుగా తీసుకున్న చర్యల్లో ఇదే పటిష్టమైన ప్రణాళిక అని పీఎంవో పేర్కొంది.