ఆస్ట్రేలియా మాజీ క్రికెటర్, స్పిన్ దిగ్గజం షేన్ వార్న్ గుండె పోటుతో మృతి చెందారు. ఆయ‌న ఆకస్మిక మరణం క్రీడాలోకాన్ని తీవ్ర దిగ్భ్రాంతికి గురిచేస్తోంది. భారత క్రికెట్ లో కూడా షేన్ వార్న్ తనదైన ముద్ర వేశాడు. ఈ నేపథ్యంలో షేన్ వార్న్ జ్ఞాపకాలను స్మరించుకుంటోంది క్రీడాలోకం.
ఇండియాలో సూపర్ డూపర్ హిట్ లీగ్ ఐపీఎల్ తొలి సీజ‌న్ లో రాజస్థాన్ రాయ‌ల్స్ త‌రుపున ఆడిన షేర్ వార్న్.. ఆ జ‌ట్టుకు కెప్టెన్ గా కూడా వ్యవహరించాడు. అంతేకాదు.. ప్ర‌త్య‌ర్ధి చెన్నై సూపర్ కింగ్స్ ను మ‌ట్టిక‌రిపించి తొలి ట్రోఫీని అందుకోవ‌డం విశేషం.
తొలి సీజ‌న్ లో ఏ మాత్రం గెలుపు అంచ‌నాలు లేకుండానే వార్న్ నేతృత్వంలోని రాజస్థాన్ జ‌ట్టు బ‌రిలోకి దిగింది. అయితే.. అందరి అంచనాలను తారుమారు చేస్తూ ఊహ‌కు అంద‌ని రీతిలో వార్న్ తన జట్టును ఫైనల్ కు చేర్చాడు. ఫైనల్ లో ప‌క‌డ్బందీ లైన‌ప్ క‌లిగిన చెన్నై సూపర్ కింగ్స్ ను చిత్తు చేసి రాజస్థాన్ జట్టును విజేత‌గా నిలిపాడు.
Advertisements
ఐపీఎల్ తొలి టైటిల్ ను ముద్దాడిన వార్న్.. క‌ప్‌తో జ‌ట్టు స‌భ్యుల‌తో కూర్చుని చిరు న‌వ్వులు చిందిస్తూ క‌నిపించాడు. కాగా వార్న్ మృతిపై ఇప్పటికే భారత క్రికెట్ ప్రముఖులతో పాటు.. పలువురు సెలబ్రిటీలు సంతాపం వ్యక్తం చేస్తున్నారు.