చంద్రుడిపై పరిశోధనల్లో భారతీయ అంతరిక్ష పరిశోధనా సంస్థ (ఇస్రో) మరో ముందడుగు వేసింది. చంద్రుడిపై భారీగా సోడియం నిల్వలు ఉన్నట్టు గుర్తించింది.
ఈ సోడియం నిల్వల చంద్రయాన్-2లోని లార్జ్ ఏరియా సాఫ్ట్ ఎక్స్‌రే స్పెక్టోమీటర్ ద్వారా మ్యాపింగ్ చేసినట్టు ఇస్రో వెల్లడించింది.
యూఆర్ రావు శాటిలైట్ సెంటర్‌లో హైసెన్సిటివిటీ, సామర్ధ్యం కలిగిన క్లాస్‌ను తయారు చేశామని ఇస్రో పేర్కొంది. దీంతోనే ఇది సోడియం లైన్స్‌ను వెంటనే గుర్తిస్తుందని ఇస్రో వివరించింది.
లూనార్ గ్రెయిన్స్‌తో కలిసి ఉన్న సోడియం కళాలను ఈ క్లాస్ గుర్తించిందని తెలిపింది. చంద్రుడిపై వాతావరణంలో సోడియం నిల్వలు లభించడం ఆశ్చర్యకరమని పరిశోధకులు చెప్పారు.
ఈ విషయాన్ని ‘ది ఆస్ట్రోఫిజికల్ జర్నల్ లెటర్స్’లో ప్రచురితమైన ఓ ఆర్టికల్ లో ఇస్రో చెప్పింది. చంద్రుని ఉపరితలంపై ఇలా వేల కిలోమీటర్ల వరకు సోడియం నిల్వలను గుర్తించినట్టు ఇస్రో తెలిపింది.