చైనా త‌న దుందుడుకు చ‌ర్య‌ల‌ను ఏ మాత్రం ఆప‌డం లేదు. భార‌త్‌ను భ‌య‌పెట్ట‌డం కోసం ర‌క‌ర‌కాల ప్ర‌యోగాలు చేస్తోంది. ఒక ప‌క్క గ్రే జోన్ ఆప‌రేష‌న్ల‌ను తీవ్రం చేసేందుకు యత్నిస్తుంది. మరో వైపు గ్రామాల‌కు గ్రామాల‌నే నిర్మాణం చేసేస్తుంది. అంతేకాకుండా వివాదాస్ప‌ద‌మైన ప్రాంతాల్లో రోడ్లు వేస్తూ మ‌రింత ఉద్రిక్త‌త‌ను పెంచుతుంది.
ప్రస్తుతం చైనా అక్సాయ్ చిన్ గుండా ఒక కొత్త హైవే నిర్మించాలని యోచిస్తున్నట్లు తెలుస్తోంది. భారత్ సరిహద్దుకు దగ్గరగా చైనా మరో హైవే నిర్మాణం ప్లాన్ కొత్తగా విడుదల చేసింది. హైవే నిర్మాణ ప్రణాళిక ప్రకారం, భారతదేశ సరిహద్దు వెంబడి జింజియాంగ్‌ను టిబెట్‌తో కలుపుతూ అక్సాయ్ చిన్ గుండా మరో రహదారిని నిర్మించాలని యోచిస్తోంది.
వివాదాస్పద అక్సాయ్ చిన్ ప్రాంతం ద్వారా G695 జాతీయ ఎక్స్‌ప్రెస్‌వే రెండవ జాతీయ రహదారిగా ఉంటుంది. ఇక్కడ 1950లలో జీ219 హైవే యొక్క వివాదాస్పద నిర్మాణం నుండి భారతదేశం క్లెయిమ్ చేసిన 38,000 చదరపు కిలోమీటర్ల భూమిని చైనా ఈ నిర్మాణం ద్వారా నియంత్రిస్తుంది. ఇక ఈ కొత్త రహదారి 2035 నాటికి పూర్తవుతుందని భావిస్తున్నారు. .
వాస్తవాధీన రేఖకు దగ్గరగా చైనా హైవే హాంకాంగ్‌కు చెందిన సౌత్ చైనా మార్నింగ్ పోస్ట్ బుధవారం నివేదించిన కొత్త రహదారి, జీ219 కంటే వాస్తవ నియంత్రణ రేఖకు దగ్గరగా వస్తుందని సూచిస్తుంది. ప్రస్తుతం జిన్‌జియాంగ్ ఉయ్‌గుర్ అటానమస్ రీజియన్‌లో నిర్వహించబడుతున్న అక్సాయ్ చిన్ ద్వారా, భారతదేశం, నేపాల్ మరియు భూటాన్‌లతో పాటు దక్షిణం వైపునకు మరియు అరుణాచల్ ప్రదేశ్ నుండి సరిహద్దు మీదుగా ఆగ్నేయ టిబెట్‌లోని లుంజే వరకు ఈ రహదారిని నిర్మించడానికి చైనా రెడీ అవుతుంది.
తూర్పు లడఖ్ నుండి డోక్లాం సమీపంలో భారతదేశం-చైనా-భూటాన్ ట్రైజంక్షన్‌కు దగ్గరగా హైవే ప్రతిపాదిత రహదారి యొక్క మ్యాప్ విడుదల చేయ‌న‌ప్ప‌టికీ , నివేదిక ప్రకారం మార్గం అక్సాయ్ చిన్ మీదుగా రహదారి నిర్మాణం జరుగుతుందని తెలుస్తోంది.