విడుదలైనప్పటి నుంచి ఎన్నో రికార్టులను సొంతం చేసుకుంది ఆర్ఆర్ఆర్. కేవలం ఇండియన్ ఫిల్మ్‌గానే కాకుండా అంతర్జాతీయంగానూ ఆర్ఆర్ఆర్ తనకంటూ ఓ ప్రత్యేకమైన ఇమేజ్‌ ను సొంతం చేసుకుంది. వసూళ్లపరంగా సరికొత్త రికార్డులు సృష్టించిన ఈ చిత్రం తాజాగా తన ఖాతాలోకి మరో ప్రతిష్టాత్మక అవార్డును వేసుకుంది.
అంతర్జాయతీయ స్థాయిలో చలన చిత్ర విభాగంలో అత్యున్నత అవార్డు ఆస్కార్ అయితే.. ఆ తరువాత స్థానంలో గోల్డెన్ గ్లోబ్ అవార్డులుంటాయి. అలాంటి ఉన్నతమైన అవార్డు ఇప్పుడు మన ఇండియన్ సినిమా.. మన తెలుగు సినిమాకు వచ్చింది. ఆర్ఆర్ఆర్ సినిమాలోని నాటు నాటు పాటకు బెస్ట్ ఒరిజినల్ సాంగ్‌కు గోల్డెన్ గ్లోబ్ అవార్డు వచ్చింది. ఈ అవార్డును ప్రకటిచండంతో రాజమౌళి చిన్న పిల్లాడిలా ఎగిరి గంతేశాడు. అయితే చిరంజీవి మాత్రం సంతోషంతో ఉబ్బితబ్బిబైనట్టు కనిపిస్తోంది. ఆయన వేసిన ట్వీట్ వైరల్ అవుతోంది.
ఇదో గొప్ప చరిత్ర.. ఎప్పటికీ నిలిచిపోతుంది.. బెస్ట్ ఒరిజినల్ సాంగ్ కేటగిరీలో నాటు నాటు పాటకు ఈ గోల్డెన్ గ్లోబ్ అవార్డ్ రావడం అద్భుతం.. మీకు శతకోటి వందనాలు.. ఆర్ఆర్ఆర్ టీం, రాజమౌళికి కంగ్రాట్స్.. ఇప్పుడు ఇండియా ఎంతో గర్వపడుతూ ఉంటుంది అని చిరంజీవి ట్వీట్ చేశారు.
What a Phenomenal, Historic Achievement !!!! 👏👏👏👏
Golden Globes Best Original Song – Motion Picture Award to @mmkeeravaani garu !! Take a Bow!🙏
Heartiest Congratulations Team @RRRMovie & @ssrajamouli !!
India is proud of you! 🎉🎉 #NaatuNaatu 🕺🕺 pic.twitter.com/gl7QjMkJtZ— Chiranjeevi Konidela (@KChiruTweets) January 11, 2023
ఇదో అద్భతం.. నమ్మశక్యం కానిది.. ఇండియా తరుపున.. ఇండియన్ అభిమానుల తరుపున కీరవాణి గారికి కంగ్రాట్స్.. రాజమౌళి గారికి, ఆర్ఆర్ఆర్ టీంకు కంగ్రాట్స్ అని ఏఆర్ రెహ్మాన్ ట్వీట్ చేశారు.
Incredible ..Paradigm shift🔥👍😊👌🏻 Congrats Keeravani Garu 💜from all Indians and your fans! Congrats @ssrajamouli Garu and the whole RRR team! https://t.co/4IoNe1FSLP
— A.R.Rahman (@arrahman) January 11, 2023
అవార్డు ప్రకటించిన తరువాత కీరవాణి చెప్పిన మాటలు అందరినీ ఆకట్టుకుంటున్నాయి. స్టేజ్ మీద కంటతడి పెట్టుకున్న కీరవాణి.. ఈ క్రెడిట్ అంతా కూడా తన దర్శకుడు రాజమౌళికి ఇచ్చాడు. తన వల్లే, తన విజన్ వల్లే ఇదంతా సాధ్యమైందని కీరవాణి చెబుతూ ఎమోషనల్ అయ్యాడు. అయితే కీరవాణి మాత్రం ఈ సందర్భంగా తన కొరియోగ్రఫర్ ప్రేమ్ రక్షిత్ మాస్టర్, పాటను పాడిన రాహుల్ సిప్లిగంజ్, కాళ భైరవ, రాసిన చంద్రబోస్ ఇలా అందరినీ గుర్తు చేసుకున్నాడు. అందరికీ థాంక్స్ అన్నాడు.
సుమారు ఆరున్నర దశాబ్దాల చరిత్ర కలిగిన ప్రతిష్టాత్మక గోల్డెన్ గ్లోబ్ అవార్డులకు బెస్ట్ నాన్ – ఇంగ్లీష్ లాంగ్వేజ్ ఫిల్మ్ కేటగిరీలో ‘ఆర్ఆర్ఆర్’ నామినేట్ అయిన సంగతి తెలిసిందే. బెస్ట్ ఒరిజినల్ సాంగ్ కేటగిరీలో సంగీత దర్శకుడు ఎం.ఎం. కీరవాణి, లిరిసిస్ట్ చంద్రబోస్ సైతం నామినేషన్ దక్కించుకున్నారు.
గోల్డెన్ గ్లోబ్ అవార్డుల వేడుకకు కథానాయకులు ఎన్టీఆర్, రామ్ చరణ్, దర్శకుడు రాజమౌళి, కీరవాణి సతీసమేతంగా హాజరు అయ్యారు. వీరితో పాటు ‘బాహుబలి’ నిర్మాత శోభు యార్లగడ్డ, రాజమౌళి తనయుడు ఎస్.ఎస్. కార్తికేయ కూడా ఉన్నారు. రెడ్ కార్పెట్ మీద ‘ఆర్ఆర్ఆర్’ చిత్ర బృందం అందరి దృష్టిని ఆకర్షించింది
దర్శకుడు ధీరుడు రాజమౌళి డ్రస్సింగ్ స్టైల్ ఇండియన్ ట్రెడిషన్ అంటే ఏమిటో వెస్ట్రన్ జనాలకు చూపించింది. రామ్ చరణ్ సతీమణి ఉపాసన కొణిదెల, రాజమౌళి సతీమణి రామ, కీరవాణి సతీమణి శ్రీవల్లి చీరకట్టులో హాజరయ్యారు. భారతీయ సంప్రదాయంలో చీరకు ఉన్న ప్రాముఖ్యత ప్రత్యేకంగా వివరించాల్సిన అవసరం లేదు. సినిమాల పరంగానే కాదు… అవార్డుల ప్రదానోత్సవం కార్యక్రమం ద్వారా మన భారతీయతను అక్కడి ప్రేక్షకులకు చూపించిన ఘనత రాజమౌళి అండ్ ‘ఆర్ఆర్ఆర్’ యూనిట్ సభ్యులకు దక్కుతుందని చెప్పాలి. ఇది జక్కన్న మార్క్ అని చెప్పాలి.