రన్నింగ్ ట్రైన్లను ఎక్కడం, దిగడం ప్రమాదకరమని రైల్వే అధికారులు ఎంతగా హెచ్చరిస్తున్నా ప్రయాణికులు మాత్రం మారటం లేదు. వేగంగా వెళ్తున్న ట్రైన్‌ను ఎక్కడం, దిగడం చేసి ప్రాణల మీదకు తెచ్చుకుంటున్నారు. ఇలాంటి సంఘటనలు ఈ మధ్యకాలంలో చాలానే జరుగుతున్నాయి. తాజాగా కదులుతున్న రైలు నుంచి జారిపడిన ఓ మహిళను ఓ రైల్వే పోలీస్ కాపాడారు. ఈ సంఘటన ఒడిశాలోని భువనేశ్వర్‌లో చోసుకుంది.
పలాస-కటక్‌ ఎక్స్‌ప్రెస్‌ రైలు భువనేశ్వర్‌ రైల్వేస్టేషన్‌కు వచ్చింది. ఈ సమయంలో రైలు ఆగక ముందే అందులో నుంచి ఓ మహిళ దిగడానికి ప్రయత్నించింది. అయితే, ఆమె కాలు పట్టు తప్పి ఫ్లాట్ ఫామ్ మధ్యలో పడబోయింది.
అదే బోగిలో ఆమె వెంట ఉన్న మరో మహిళ పెద్దగా కేకలు వేసింది. ఆ సమయంలో ప్లాట్ ఫామ్ వద్ద విధులు నిర్వహిస్తున్న ఆర్పీఎఫ్ హెడ్ కానిస్టేబుల్ ఎస్ ముండా వెంటనే స్పందించి.. సదరు మహిళను రైలు కింద పడకుండా తన ప్రాణాలను తెగించి ఆమెను రక్షించారు. మహిళను రక్షించే క్రమంలో కానిస్టేబుల్ కూడా ప్లాట్ ఫామ్ పై పడిపోయాడు.
ఆమె పడ్డ వెంటనే మరో మహిళ కూడా ప్లాట్‌ఫాంపై దూకింది. ఈ ఘటనకు సంబంధించిన దృశ్యం స్టేషన్‌లో ఉన్న సీసీటీవీ కెమెరాలో రికార్డు అయ్యాయి. ప్రస్తుతం ఈ వీడియో నెట్టింట వైరల్ అవుతోంది. మహిళ ప్రాణాలు కాపాడిన కానిస్టేబుల్ ముండాపై నెటిజన్లతోపాటు, అధికారులు ప్రశంసల జల్లు కురిపిస్తున్నారు. అలాగే, అడిషనల్ జనరల్ ఆఫ్ పోలీస్(రైల్వే) సుధాన్షు సారంగి ప్రశంసిస్తూ ట్వీట్ చేశారు.
#WATCH | Odisha: Railway Protection Force (RPF) head constable S Munda saved the life of a lady passenger by saving her from falling into the gap between the platform and the train at Bhubaneswar Railway Station yesterday, May 11
(Video Source: Indian Railways) pic.twitter.com/uMiLV4apbs
— ANI (@ANI) May 11, 2022
Advertisements
