టీమిండియా టీ20 కెప్టెన్ హార్దిక్ పాండ్యా తన భార్యను మరోసారి పెళ్లి చేసుకున్నాడు. రాజస్థాన్ లోని ఉదయ్ పూర్ లో ఫిబ్రవరి 14న తన భార్య నటాషా స్టాంకోవిచ్ ని రెండోసారి వివాహం చేసుకున్నాడు. మూడు రోజుల పాటు ఉదయ్ పూర్ లో ఈ వివాహ వేడుకలు జరగనున్నాయి.
కొన్నేళ్ల సహజీవనం తర్వాత 2020లోనే వీరు ఒక్కటయ్యారు. కానీ అప్పుడు లాక్ డౌన్ కావడంతో ఇంట్లోనే సింపుల్ గా పెళ్లి చేసుకున్నారు. వీరికి అగస్త్య అనే బాబు కూడా ఉన్నాడు. అయితే ఫిబ్రవరి 14న థీమ్ మ్యారేజ్ చేసుకోవాలని వీరిద్దరూ అనుకున్నారు. ఈ క్రమంలోనే మంగళవారం వీరి వివాహం అంగరంగ వైభవంగా జరిగింది.
క్రిస్టియన్ సంప్రదాయం ప్రకారం నటాషాను పాండ్యా పెళ్లి చేసుకున్నాడు. ఈ వేడుకకు హార్దిక్ పాండ్యా, నటాషా కుటుంబ సభ్యులు, స్నేహితులు, పలువురు క్రికెటర్లు హాజరయ్యారు. పెళ్లి వేడుకలో దంపతులిద్దరూ చాలా హుషారుగా కనిపించారు.
పెళ్లి మండపానికి ఇద్దరూ సినిమా స్టైల్లో డ్యాన్ చేస్తూ వచ్చారు. సాయంత్రం పూట పూల బొకేలు పట్టుకొని పలువురు మహిళలు వెంటరాగా.. తెల్లటి మ్యాట్ పై ఇద్దరూ ముందుకు సాగారు. ప్రస్తుతం ఇందుకు సంబంధించిన వార్తలు, ఫొటోలు సోషల్ మీడియాలో జోరుగా వైరల్ అవుతున్నాయి.
We celebrated Valentine’s Day on this island of love by renewing the vows we took three years ago. We are truly blessed to have our family and friends with us to celebrate our love ❤️ pic.twitter.com/tJAGGqnoN1
— hardik pandya (@hardikpandya7) February 14, 2023