టాలీవుడ్ లో సుధ తర్వాత అమ్మ పాత్రల్లో ఒదిగిపోతున్నారు తులసి. ఆమె వరుస సినిమాలతో బిజీగా ఉన్నారు అనే చెప్పాలి. ఇటీవల కార్తికేయ 2 సినిమా ఆమెకు మంచి హిట్ ఇచ్చింది. తాజాగా ఆమె ఇచ్చిన ఒక ఇంటర్వ్యూలో పలు ఆసక్తికర విషయాలు వెల్లడించారు. బాల నటిగానే 100కు పైగా సినిమాలలో నటించానని తెలిపారు తులసి. సినిమాలకు సంబంధించిన గైడెన్స్ ఇచ్చిందని తన అమ్మగారని అన్నారు. 
బాల నటిగా నటించిన సినిమాలు సక్సెస్ సాధించడంతో పాటు నా నటనకు మంచి మార్కులు పడ్డాయని తులసి గుర్తు చేసుకున్నారు. మా అమ్మ ఎప్పుడూ కేర్ తీసుకునేవారన్న ఆమె… అమ్మగారిది తాడేపల్లి గూడెం అని నాన్నది చెన్నై అని చెప్పుకొచ్చారు. దేశం మొత్తం నాకు ఫ్రెండ్స్, రిలేటివ్స్ ఉన్నారన్నారు. గుమ్మడి, జగ్గయ్య, ఎస్వీ రంగారావు గారికి నేనంటే ఇష్టమని చెప్పుకొచ్చారు.
కోతలరాయుడు మూవీలో నటించే సమయంలో ఒక డైలాగ్ కు ఏడు టేక్స్ తీసుకుంటే అమ్మ తిట్టారని, అప్పటినుంచి రెండో టేక్ లేకుండా షూట్ లో పాల్గొనాలని అనుకున్నానని గుర్తు చేసుకున్నారు. సరిగ్గా చెయ్యకపోతే అమ్మ కోప్పడుతుందని భావించానని చెప్పుకొచ్చారు. ఒక సినిమాలో నన్ను అబ్బాయిగా చూపించడానికి విశ్వనాథ్ గారు జుట్టు కత్తిరించాలని చెప్పారని, జుట్టు కత్తిరించాక నేను ఏడ్చానని అన్నారు. ఆ తర్వాత విశ్వనాథ్ గారు జుట్టు మరింత కత్తిరించాలని సూచించారని పేర్కొన్నారు