ఢిల్లీని మంచు కప్పేసింది. పొగ మంచు కారణంగా ఢిల్లీలో సోమవారం ఉదయం ఆరుగురు ప్రాణాలు కోల్పోయారు. రోడ్డు, రైల్వే సేవలకు అంతరాయం కలిగింది. ఢిల్లీ సమీపంలోని గ్రేటర్ నోయిడాలో పొగ మంచు కారణంతో రోడ్డు సరిగ్గా కనబడక కారు కాలువలోకి దూసుకెళ్లింది. ఈ ప్రమాదంలో ఆరుగురు ప్రాణాలు కోల్పోయారు. వారిలో ఇద్దరు పిల్లలున్నారు. ఢిల్లీ నుంచి వెళ్లే 16 విమానాలను దారి మళ్లించారు. ఎనిమిది ఆలస్యంగా నడిచాయి. నాలుగింటిని రద్దు చేశారు. దాదాపు 30 రైళ్లు ఆలస్యంగా నడుస్తున్నాయి. సోమవారం ఉదయం ఢిల్లీలో ఉష్ణోగ్రత 2.6 డిగ్రీల సెల్సియస్ గా నమోదైంది. వాయు క్వాలిటీ బాగా పడిపోయింది. ఆనంద్ విహార్ దగ్గర ఎయిర్ క్వాలిటీ ఇండెక్స్ 462, ఓక్లా ఫేజ్-2 దగ్గర 494 గా రికార్డయ్యింది. పొగమంచుతో రోడ్లు సరిగ్గా కనబడక పాదచారులు, వాహనదారులు నెమ్మదిగా ప్రయాణించారు. ఉష్ణోగ్రత 2.6 డిగ్రీల సెల్సియస్ కు పడిపోవడంతో సిమ్లా కంటే ఢిల్లీలో చలి దంచేస్తోంది.
