ఇండస్ట్రీలో ఒకానొక సమయంలో ఎన్టీఆర్, ఏఎన్నార్, కృష్ణ, శోభన్ బాబు కృష్ణంరాజు ఇలా చాలామంది స్టార్ హీరోలు పోటాపోటీగా నటించేవారు. సినిమాలు కూడా అలానే రిలీజ్ చేసేవారు. ముఖ్యంగా ఎన్టీఆర్, కృష్ణ, ఏఎన్ఆర్ మధ్య పోటీ ఉండేది. అయితే కొన్ని సందర్భాల్లో ఎన్టీఆర్ పైచేయి సాధిస్తే మరికొన్ని సందర్భాల్లో కృష్ణ మరికొన్ని సందర్భాలలో ఏఎన్ ఆర్ పైచేయి సాధించేవారు.
అయితే ఒకానొక సమయంలో ఎన్టీఆర్ రాజకీయాల్లో అడుగు పెట్టి అతి తక్కువ సమయంలోనే ముఖ్యమంత్రి అయి సంచలనం సృష్టించారు. అదే సమయంలో కృష్ణ హీరోగా నటించిన బ్లాక్ బస్టర్ హిట్ మూవీ ఈనాడు కూడా రిలీజ్ అయింది. ఈ సినిమా మలయాళంలో సూపర్ హిట్ సాధించిన ఈనాడ్ సినిమాకు రీమేక్ గా తెరకెక్కింది.
టీవి షో లతో నాగబాబు ఎంత సంపాదించాడో తెలుసా ?
అయితే మొదటి కృష్ణ ముత్యాల ముగ్గు శ్రీధర్ హీరోగా ఈ సినిమాను చేయాలని భావించారు. అలాగే పి.సాంబశివరావును డైరెక్టర్ గా ఎంపిక చేసి మాటలు పరుచూరి బ్రదర్స్ కు అప్పగించారు. కానీ ఈ సినిమాలో కృష్ణ హీరోగా నటిస్తే బాగుంటుందని పరుచూరిబ్రదర్స్ చెప్పారట డైరెక్టర్ కు. అలాగే కృష్ణ బాడీ లాంగ్వేజ్ కు అనుగుణంగా మార్పులు చేసి మాటలు కూడా రాసుకున్నారట. ఆ విధంగా కృష్ణ 200 సినిమాగా ఈనాడు సినిమా తెరకెక్కింది.
సమాజం కోసం తన జీవితాన్ని త్యాగం చేసిన వ్యక్తి పాత్రలో కృష్ణ ఈ సినిమాలో నటించారు. డిసెంబర్ 17 1982 లో చిత్రం రిలీజ్ అయి మంచి విజయం సాధించింది. ఈ సినిమాలో కృష్ణ సైకిల్ తొక్కుతూ పాడే పాట సినిమాకే హైలెట్. అయితే ఈ సినిమా పాట ను చూసిన ఎన్టీఆర్ అభిమానులు ఎన్టీఆర్ కు సపోర్ట్ గా కృష్ణ ఈ పాటలో నటించారని అప్పట్లో భావించారు. సరిగ్గా ఈనాడు మూవీ రిలీజ్ అయిన రెండు వారాల తర్వాత టిడిపి విజయం సాధించింది. ఎన్టీఆర్ అధికారంలోకి వచ్చారు. అయితే ఆ సమయంలో ఎన్టీఆర్ ను అభినందిస్తూ కృష్ణ పేపర్ లో ఓ యాడ్ చేశారు. అది అప్పట్లో ఎంతో వైరల్ అయింది.