జంతు ప్రేమికులు తమ పెంపుడు జంతువులను ఎంతగానో ప్రేమిస్తారు. వారు తమనీ, జంతువులను వేరుగా చూడలేరు. వాటికి ఏదైనా అయితే విలవిల్లాడి పోతుంటారు.ఈ విషయంలో డాగ్ లవర్స్ గురించి ప్రత్యేకంగా చెప్పనవసరంలేదు. వాటికోసం రకరకాల బట్టలు కుట్టిస్తారు.
అందంగా అలంకరించుకుంటారు. ముద్దు చేస్తారు. ముచ్చాట్లాడతారు.వాటికి బర్త్ డేలు, పెళ్ళిళ్ళు జరిపించి తమ బిడ్డలకు జరిగింత ఇదిగా మమకారాన్ని కురిపిస్తారు. ఇలా శునకాలకు ఘనంగా పెళ్లిళ్లు చేస్తున్న ఘటనలు ఇటీవల కాలంలో చాలా చూస్తున్నాం.
తాజాగా అలాంటి ఘటనే ఒకటి ఉత్తర్‌ప్రదేశ్‌లో చోటు చేసుకుంది. అలీఘర్‌లోని సుఖ్రవలీ ప్రాంతానికి చెందిన దినేష్‌ చౌదరికి చెందిన టామీ(మగ కుక్క)కి..టిక్రీ రాయ్‌పూర్‌కు చెందిన రాంప్రకాశ్‌ సింగ్‌కు చెందిన శునకం జెల్లీ (ఆడకుక్క)కి జనవరి 14వ తేదీన పెళ్లి వేడుక నిర్వహించారు.
బాజా భజంత్రీలు, డీజే చప్పుళ్ల మధ్య హిందూ సంప్రదాయ పద్ధతిలో ఘనంగా వివాహం జరిపించారు. ఈ వివాహానికి బంధువులు, స్థానికులు పెద్ద ఎత్తున హాజరై ..డీజే సౌండ్స్ కి డ్యాన్స్ చేస్తూ తెగ ఎంజాయ్ చేశారు.ఈ వివాహానికి సంబంధించిన వీడియో సోషల్ మీడియాలో వైరల్‌గా మారింది.
#WATCH | A male dog, Tommy and a female dog, Jaily were married off to each other in UP's Aligarh yesterday; attendees danced to the beats of dhol pic.twitter.com/9NXFkzrgpY
— ANI UP/Uttarakhand (@ANINewsUP) January 15, 2023