అమెరికా కొత్త అధ్య‌క్షుడిగా జోబైడెన్ గెలుపును ధ్రువీక‌రిస్తూ అమెరికా కాంగ్రెస్ అధికారిక ప్ర‌క‌ట‌న చేయ‌డంతో… ప్ర‌స్తుత అధ్య‌క్షుడు ట్రంప్ ఎట్ట‌కేల‌కు దిగొచ్చారు. అధ్య‌క్ష ఎన్నిక‌ల్లో త‌న ఓట‌మిని చివ‌రికి అంగీక‌రించారు. క్ర‌మ‌బ‌ద్ధంగా అధికార బ‌దిలీకి స‌హ‌క‌రిస్తాన‌ని ప్ర‌క‌టించారు. అయితే అధ్య‌క్ష ఎన్నిక‌ల్లో మోసం జ‌రిగిన విష‌యం వాస్త‌వం అంటూ మ‌రోసారి ఆరోప‌ణ‌లు గుప్పించారు.
ఎన్నిక‌ల ఫ‌లితాల‌ను తాను వ్య‌తిరేకిస్తున్నాని.. కానీ జ‌న‌వ‌రి 20న స‌క్ర‌మంగా అధికార బదిలీ జ‌రుగుతుంద‌ని స్ప‌ష్టం చేశారు. లీగ‌ల్ ఓట్ల‌ను మాత్ర‌మే లెక్కించేందుకు తాను పోరాటం చేస్తున్నాన‌ని మ‌రోసారి స్ప‌ష్టం చేశారు. అమెరికా అధ్య‌క్ష చ‌రిత్ర‌లో ఓ గొప్ప తొలి శ‌కం ముగిసింద‌ని త‌న‌ని తానే పొగుడుకున్న ట్రంప్.. అమెరికాను అగ్ర‌ప‌థాన నిలిపేందుకు పోరాటం చేస్తూనే ఉంటామ‌ని చెప్పారు. ఈ మేర‌కు త‌న ప్ర‌తినిధి ట్విట్ట‌ర్ అకౌంట్ నుంచి ట్వీట్ చేశారు.
Statement by President Donald J. Trump on the Electoral Certification:
“Even though I totally disagree with the outcome of the election, and the facts bear me out, nevertheless there will be an orderly transition on January 20th. I have always said we would continue our…
— Dan Scavino🇺🇸🦅 (@DanScavino) January 7, 2021
క్యాపిట‌ల్ బిల్డింగ్‌ను ఆయ‌న మ‌ద్ద‌తుదారులు ముట్ట‌డించిన క్ర‌మంలో.. ట్రంప్‌న‌కు చెందిన సోష‌ల్ మీడియా అకౌంట్ల‌న్నింటిని ఆయా సంస్థ‌ల యాజ‌మాన్యాలు లాక్ చేశాయి. ట్విట్ట‌ర్ 12 గంట‌ల‌పాటు, ఫేస్‌బుక్ 24 గంట‌ల‌పాటు ఫ్రీజ్ చేశాయి.
