ధనుశ్… ఏ బ్యాగ్రౌండు తమిళ్ సినిమా ఇండస్ట్రీలో అడుగుపెట్టి అతితక్కువ కాలంలో సక్సెస్ అయిన స్టార్ హీరో. ఇండియన్ సినిమాలో సక్సెస్ ఫుల్ ట్రాక్ కొనసాగిస్తున్న విలక్షణ నటుడు. ఇటీవల హలీవుడ్ చిత్రంలో సైతం నటించి ఇంటర్నేషనల్ సినిమాలో తన ఖాతా తెరిచాడు. తాజాగా ఆయన నటించిన బైలింగువల్ సినిమా ‘సార్’ రీసెంట్గా ఫిబ్రవరి 17న ప్రేక్షకుల ముందుకు వచ్చింది.
ఈ చిత్రం తొలి రోజు నుంచే మంచి కలెక్షన్లను అందుకుంటూ బాక్సాఫీస్ వద్ద తనజోరు కొనసాగిస్తుంది. అయితే తాజాగా ఈ చిత్రానికి సంబంధించిన ఎనిమిది రోజుల కలెక్షన్ వివరాలను మూవీటీమ్ సోషల్మీడియా ద్వారా తెలిపింది.
వాస్తవానికి తెలుగు రాష్ట్రాల్లో రూ. 5.50 కోట్ల బిజినెస్ చేయగా.. బ్రేక్ ఈవెన్ టార్గెట్ రూ. 6 కోట్లుగా నమోదైంది. అలాగే తమిళంలో రూ. 19 కోట్లు, కర్ణాటకలో రూ. 3 కోట్లు, రెస్టాఫ్ ఇండియాలో రూ. 1.50 కోట్లు, ఓవర్సీస్లో రూ. 6 కోట్లు అవ్వగా.. ప్రపంచవ్యాప్తంగా రూ. 35 కోట్ల వరకు బిజినెస్ చేసినట్లు తెలిసింది.
దీంతో వరల్డ్వైడ్గా ఈ చిత్ర బ్రేక్ ఈవెన్ టార్గెట్ రూ. 36 కోట్లుగా నమోదైంది. అయితే ఇప్పుడీ సినిమా నిర్మాణ సంస్థ తెలిపిన వసూళ్ల వివరాల ప్రకారం.. ప్రపంచ వ్యాప్తంగా రూ.75కోట్ల గ్రాస్ వసూళ్లను అందుకున్నట్లు తెలిపింది. ఇది చూసిన ధనుశ్ అభిమానులు, నెటిజన్లు.. ఈ చిత్రం రూ.100కోట్లు అందుకోవడం పక్కా అంటూ కామెంట్లు చేస్తున్నారు