ఫేసుబుక్ త‌న ఖాతాదారుల కోసం స‌రికొత్త స‌దుపాయాన్నితీసుకుని రాబోతోంది. ఒక వ్య‌క్తి ఒకటికి మించి అనేక ప్రొఫైల్స్‌ను క్రియేట్ చేసుకోవ‌చ్చు. ఈ ఫీచ‌ర్‌ను ఫేస్‌బుక్ అభివృద్ధి చేస్తోంది. ప్ర‌స్తుతం ఇది ప‌రీక్ష‌ల ద‌శ‌లో ఉంది.
సాధార‌ణంగా ఒక వ్య‌క్తి వ్య‌క్తిగ‌తంగా ఫేస్ బుక్ ఖాతా తెరిస్తే అందులో త‌న ఉద్యోగ, వ్యాపార సంబంధ‌మైన విష‌యాల‌ను పంచుకోవ‌డానికి ఇష్ట‌ప‌డ‌డు. అందుకే ఫేస్‌బుక్ కొత్త ఫీచర్ తో ఈ త‌ర‌హా క‌ష్టాల‌కు చెక్ ప‌డ‌నుంది.
అటువంటి స‌మ‌యంలో ఖాతాదారుడు త‌న వేర్వేరు అవ‌స‌రాల‌కు సంబంధించిన వేర్వేరు ప్రొఫైల్‌ను క్రియేట్ చేసుకుని త‌న కార్యాక‌లాపాల‌ను కొన‌సాగించుకునే అవ‌కాశం ల‌భిస్తుంది.ఒక్కో ప్రొఫైల్‌ను ఒక్కో గ్రూపు కోసం కేటాయించుకోవ‌చ్చ‌ని ఫేస్‌బుక్ సూచించింది.
అయితే ఒక్కో కొత్త ఖాతాకు ఒక్కో ఐడీని ఇవ్వాల్సి వ‌స్తుంద‌ని సూచించింది.‘‘ప్రజలు తమ ఆసక్తులు, సంబంధాలకు అనుగుణంగా.. ఒకే ఫేస్ బుక్ ఖాతాకు ఒకటికి మించిన ప్రొఫైల్ కలిగి ఉండే ఫీచర్ పై పనిచేన్తున్నాం’’ అని ఫేస్ బుక్ అధికార ప్రతినిధి లియోనార్డ్ లామ్ వెల్లడించారు. ఒక యూజర్ ఇలా గరిష్ఠంగా ఐదు ప్రొఫైల్స్ ను కలిగి ఉండొచ్చట.