యూరోప్ తీవ్రమైన వేడిగాలులతో మండిపోతోంది.అధిక ఉష్ణోగ్ర‌త‌లతో జ‌నం అల్లాడిపోతున్నారు .అడ‌వుల్లో చెల‌రేగుతున్న మంట‌ల వ‌ల్ల కొన్నిదేశాలు తీవ్ర ఇబ్బందులు ప‌డుతున్నాయి. ప‌శ్చిమ యూర‌ప్ దేశాల్లో టెంప‌రేచ‌ర్లు హీటెక్కిస్తున్నాయి.
ఉత్త‌ర దిశ‌గా ఆ హీట్ వేవ్ కొన‌సాగుతున్న‌ట్లు అధికారులు అంచ‌నా వేస్తున్నారు. ఫ్రాన్స్‌తో పాటు బ్రిట‌న్‌లో హీట్ వార్నింగ్ జారీ చేశారు. ఇక స్పెయిన్‌లో ఏకంగా 43 డిగ్రీల సెంటిగ్రేడ్ ఉష్ణోగ్ర‌త‌లు న‌మోదు అయ్యాయి.
ఫ్రాన్స్‌, పోర్చుగ‌ల్‌, స్పెయిన్‌, గ్రీస్ దేశాల్లో కార్చిచ్చులు చుట్టేస్తున్నాయి. దీంతో వేలాది మంది జ‌నం నివాస ప్రాంతాల‌ను వ‌దిలి సుర‌క్షిత ప్రాంతాల‌కు వెళ్తున్నారు. బ్రిట‌న్‌లో హాటెస్ట్ డే న‌మోదు అయ్యే అవ‌కాశాలు ఉన్నాయి. ఇక ఫ్రాన్స్‌లో హీట్ అపోక‌లిప్స్ జరుగుతుంద‌ని భావిస్తున్నారు.
స్థానిక అడ‌వుల్లో చెల‌రేగిన మంట‌ల వ‌ల్లే ఉష్ణోగ్ర‌త‌లు ఒక్క‌సారిగా పెరిగిపోయాయి.దీంతో చాలా దేశాల‌కు ఈ సెగ త‌గులుతోంది. దాంతో ప్ర‌జ‌లు తీవ్ర భ‌యాందోళ‌న‌ల‌కు గురౌతున్నారు. అధికారులు కూడా ఏమి చేయ‌లేని స్థితిలో ఉన్నారు.