ప్రముఖ హాలీవుడ్ నటుడు ‘ఫెంటాస్టిక్ బీస్ట్స్:ది క్రైమ్స్ ఆఫ్ గ్రిండెల్వాల్డ్’ ఫేమ్ ఎజ్రా మిల్లర్ ను పోలీసులు అరెస్టు చేశారు. యూఎస్‌లో ఓ మహిళ ప‌ట్ల మద్యం మ‌త్తులో అసభ్యక‌రంగా ప్ర‌వ‌ర్తించాడ‌నే ఆరోప‌ణ‌ల‌తో అత‌న్ని అదుపులోకి తీసుకున్నట్టు వెల్ల‌డించారు పోలీసులు.
హవాయిలోని ‘హిలోలో బార్’లో ఓ 23 ఏళ్ల మహిళ కరావోకే సాంగ్స్ పాడుతుండగా.. మిల్లర్ ఆమె దగ్గరకు వెళ్లి అస‌భ్యక‌ర ప‌ద‌జాలంతో దూషించాడ‌ని చెప్తున్నారు. ఎదురు తిరిగిన అమ్మాయి నుంచి మైక్రోఫోన్‌ లాక్కోవడంతో పాటు.. అడ్డుకోబోయిన మరో వ్యక్తిపై దాడి చేసేందుకు ప్రయత్నించాడని బార్ యాజమాన్యం పోలీసులకు ఫిర్యాదు చేసింది.
దీంతో అతడిని అదుపులోకి తీసుకున్న పోలీసులు.. కౌన్సిలింగ్ ఇచ్చి క్రమశిక్షణ చర్యల కింద 500 యూఎస్ డాలర్లు జరిమానా విధించిన‌ట్టు తెలిపారు. జరిమానా చెల్లించిన త‌ర్వాత అత‌న్ని విడుదల చేసినట్టు ప్రకటించారు.
Advertisements
ప్రస్తుతం ఎజ్రా మిల్లర్.. తన అప్‌కమింగ్ ఫిల్మ్ ‘ఫెంటాస్టిక్ బీస్ట్స్’ ప్రమెషన్ లో బిజీగా ఉండగా.. 2022 ఏప్రిల్ 8న థియేటర్లలో విడుదల కానుంది. ప్రముఖ హీరో ఇలాంటి ఘ‌ట‌న‌కు పాల్ప‌డడంతో ఇండ‌స్ట్రీలో దీనిపై చ‌ర్చ సాగుతోంది.
