నా మేక ధర అక్ష‌రాల రూ.70 ల‌క్ష‌లు..అంత‌కు మించి ఒక్క రూపాయి కూడా త‌గ్గేదిలేదు అంటున్నాడు ఓ పెద్దాయ‌న. మేక ఏంటీ రూ.70 ల‌క్ష‌లు ఏంటీ అని ఆశ్చ‌ర్య‌పోతున్నారా..!! అవును ఛ‌త్తీస్ గ‌ఢ్ లోని రాయ్‌పూర్‌లోని బైజ్ నాథ్ మార్కెట్‌కు వ‌చ్చిన ఓ మేక అంద‌రి చూపును ఆక‌ర్షించింది. ఈ మేక‌ను మధ్యప్రదేశ్ అనుప్పూర్ కు చెందిన వాహిద్ హుస్సేన్ అనే వ్యక్తి మార్కెట్లో అమ్మేందుకు తీసుకొచ్చిన త‌న మేకకు రూ. 70 లక్షల ధరను నిర్ణ‌యంచారు. దీనిలో చాలా ప్ర‌త్యేక‌త‌లున్నాయ‌ని ఆయ‌న చెబుతున్నారు. ఇది ప్ర‌కృతి ఇచ్చిన ప్ర‌సాదం అని అంటున్నారు.
ఈ మేక స్వ‌దేశీ జాతికి చెందిన‌ది. ఇది ప్ర‌కృతి ప్ర‌సాదం. దీని శరీరంపై ఉర్దూలో అల్లా, మహమ్మద్ అని రాసి ఉంది. అందుకే ఇది ఎంతో ప్ర‌త్యేక‌మైన‌ద‌ని, అందుకే దీనిలో ఇన్నిప్ర‌త్యేక‌త‌లు ఉన్నాయని ఆయ‌న పేర్కొన్నారు. అందుకే దీని ధరను రూ.70 ల‌క్ష‌లుగా ఫైన‌ల్ చేశాన‌ని తెలిపారు.
ఈ మేక ఫొటోని సోష‌ల్ మీడియా లో పెడితే దాన్ని చూసి నాగ‌పూర్‌కు చెందిన ఓ వ్యక్తి ఫోన్ చేసి దీనిని రూ.22 ల‌క్ష‌ల‌కు కొనుగోలు చేస్తాన‌ని అన్నార‌ని చెప్పారు. ఆ ఖ‌రీదుకు నేను మేక‌ను ఇవ్వ‌డానికి ఒప్పుకోలేదు. దీనికి మ‌రింత ఎక్కువ ధర వ‌స్తుంద‌నుకుంటున్న‌ట్లు ఆయ‌న తెలిపారు.
ప్ర‌స్తుతం నా కుటుంబ ఆర్థిక ప‌రిస్థితులు బాలేదు. మా ఇంట్లో నేను, నా భార్య కాకుండా ఆరుగురు పిల్ల‌లున్నారు. వారిలో ముగ్గురు ఆడ పిల్ల‌లున్నారు. ఈ మేక‌ను అమ్మిన డ‌బ్బుతోనే నేను వారి పెళ్లిళ్లు చేయాల‌నుకుంటున్న‌ట్లు మేక యజమాని వివ‌రించారు.
మరోవైపు, మధ్యప్రదేశ్.. అగర్ మాల్వా మార్కెట్లో రూ.11 లక్షల విలువైన మేక అమ్మకానికి వచ్చింది. సుస్నేర్ నివాసి షారుక్ ఖాన్ అనే వ్యక్తి ఈ మేకకు యజమాని. ఈ మేక పేరు సుల్తాన్. దాని శరీరంపై అల్లా, మహమ్మద్ అనే ఉర్దూ పేర్ల గుర్తులు ఉన్నాయని.. అందుకే మేకకు రూ.11 లక్షల ధర పెట్టానని చెబుతున్నాడు. సుల్తాన్ రోజుకు 100 గ్రాముల జీడిపప్పు, బాదం పప్పు తింటుందని చెబుతున్నాడు మేక యజమాని షారుక్. ఈ మేక మూడున్నర అడుగుల పొడవు, 60 కేజీల బరువుందని తెలిపాడు.
Advertisements
రాజస్థాన్.. జైపుర్లోని ఈద్గా మార్కెట్లోని మేకలు ప్రత్యేక ఆకర్షణగా నిలిచాయి. వాటి చెవులు, పొట్టపై అల్లా అని రాసి ఉంది. అలాగే మరికొన్ని మేకల శరీరాలపై నెలవంక గుర్తులు ఉండటం.. వీటి డిమాండ్కు కారణమవుతోంది. ఈ మేకలను చూసేందుకు సుదూర ప్రాంతాల నుంచి జనం వస్తున్నారు. మార్కెట్లో ఈ మేకలతో ఫోటోలు కూడా దిగుతున్నారు. వీటి ధర చూసి కొనేందుకు చాలా మంది వెనకడుగు వేస్తున్నప్పటికీ.. మేకల యజమానులు మాత్రం ధరను తగ్గించట్లేదు.