ప్రేక్షకులు ఎంతగానో ఎదురుచూస్తున్న మెగాస్టార్ చిరంజీవి ‘గాడ్ ఫాదర్’ ఫస్ట్ లుక్ పోస్టర్ ను చిత్ర యూనిట్ విడుదల చేసింది. చిరంజీవి తొలిసారి సాల్ట్ అండ్ పెప్పర్ లుక్ లో, బ్లాక్ షేడ్స్ ధరించి, కుర్చీలో కూర్చొన్న ఫస్ట్ లుక్ పోస్టర్ డిఫరెంట్ గా ఉంది. ఇక చిరంజీవి పాత్రను పరిచయం చేసే గ్లింప్స్ వీడియో ఎక్స్ టార్డినరీగా ఉంది.
ఒక కార్యాలయం వెలుపల వేలాది మంది పార్టీ కార్యకర్తలు వేచి ఉండగా, మెగాస్టార్ అంబాసిడర్ కారులో రావడం, సునీల్ కార్ డోర్ తీయగా కారు నుండి బయటకు వచ్చి, ఆఫీస్‌ లోకి అగ్రెసివ్ గా నడుచుకుంటూ వెళ్లారు. గాడ్ ఫాదర్ టైటిల్ మెగాస్టార్ ఆహార్యానికి సరిగ్గా సరిపోయింది. ఈ గ్లింప్స్ వీడియోకి థమన్ ఇచ్చిన బ్యాక్ గ్రౌండ్ స్కోర్ బాగుంది. పాత్రని మరింత ఎలివేట్ చేసింది.
గాడ్ ఫాదర్ ను భారీ స్థాయిలో తెరకెక్కిస్తున్నారు. ఈ చిత్రానికి మోహన్ రాజా దర్శకత్వం వహిస్తుండగా, ఆర్‌బి చౌదరి, ఎన్‌వి ప్రసాద్ నిర్మిస్తున్నారు. కొణిదెల సురేఖ ఈ చిత్రాన్ని సమర్పిస్తున్నారు. బాలీవుడ్ సూపర్ స్టార్ సల్మాన్ ఖాన్ ప్రముఖ పాత్రలో నటిస్తుండగా, నయనతార కీలక పాత్రలో కనిపించనుంది.
పూరి జగన్నాధ్, సత్యదేవ్ ఇతర ముఖ్య పాత్రలలో కనిపించననున్నారు. టాప్ సినిమాటోగ్రాఫర్ నీరవ్ షా ఈ చిత్రానికి సినిమాటోగ్రఫీ అందిస్తుండగా, సురేష్ సెల్వరాజన్ ఆర్ట్ డైరెక్టర్ గా పని చేస్తున్నారు. ఈ ఏడాది దసరా సందర్భంగా గాడ్ ఫాదర్ ని ప్రపంచవ్యాప్తంగా విడుదల చేస్తున్నట్లు నిర్మాతలు ప్రకటించారు.