గూగుల్ ట్రాన్స్‌లేట్ చేసిన ఓ త‌ప్పిదం.. మహారాష్ట్ర ప్ర‌భుత్వం, బీజేపీ మ‌ధ్య పెద్ద వివాదానికే కార‌ణ‌మైంది. బీజేపీ అధికారిక వెబ్‌సైట్‌లో రవేర్ మహిళా ఎంపీ రక్షా ఖడ్సేని హోమోసెక్సువల్‌గా పేర్కొన్నారంటూ మహారాష్ట్ర హోంమంత్రి అనిల్ దేశ్‌ముఖ్ తీవ్ర స్థాయిలో ఆ పార్టీపై ఫైర్ అయ్యారు. ఎంపీ రక్షా ఖడ్సే, హోమోసెక్సువల్ అని రాసి ఉన్న స్క్రీన్‌షాట్‌ను ట్విట్ట‌ర్‌లో పోస్ట్ చేస్తూ..అందుకు కార‌ణ‌మైన‌వారిపై చ‌ర్య‌లు తీసుకోవాల‌ని డిమాండ్ చేశారు. బీజేపీ స్పందించ‌క‌పోతే మహారాష్ట్ర సైబర్‌ సెక్యూరిటీ విభాగం జోక్యం చేసుకుంటుదని అనిల్ దేశ్‌ముఖ్ హెచ్చ‌రించారు. అయితే చివ‌రికి అస‌లు విష‌యం తెలియ‌డంతో మంత్రిగారూ నాలిక క‌రుచుకున్నారు.
విష‌యం ఏమిటంటే.. ఎంపీ రక్షా ఖడ్సే.. రవేర్ నియోజ‌క‌వ‌ర్గం నుంచి ప్రాతినిధ్యం వ‌హిస్తున్నారు. రవేర్ ప‌దాన్ని ఇంగ్లిష్ నుంచి హిందీలోకి ట్రాన్స్‌లేట్ చేసిన‌ప్పుడు హోమోసెక్సువల్ అని చూపిస్తోంది. అలా మంత్రి అనిల్ దేశ్‌ముఖ్ పొర‌పాటు ప‌డ‌ట‌మే గాక.. బీజేపీ నేత‌ల‌ను కూడా కొద్దిసేపు క‌న్ఫ్యూజ‌న్‌లో ప‌డేశారు.
Shocking to see such a derogatory description of Raksha Khadse, BJP MP from Maharastra on the official site of the BJP. Maha Govt. will not tolerate this disrespectful behaviour towards women. @BJP4India must take action against those responsible or @MahaCyber1 will step in. https://t.co/wKVilGB79I
— ANIL DESHMUKH (@AnilDeshmukhNCP) January 27, 2021
