ప్ర‌తాప్ పోత‌న్‌, అర‌వింద్ కృష్ణ, అలీ రెజా, ఊర్వ‌శీరాయ్ ప్ర‌ధాన పాత్ర‌ల్లో అద్వితీయ మూవీస్ ప్రైవేట్ లిమిటెడ్ ప‌తాకంపై తెరకెక్కుతున్న చిత్రం గ్రే. స్పై థ్రిల్ల‌ర్‌గా తెర‌కెక్కుతోన్న ఈ చిత్రానికి రాజ్ మ‌దిరాజు ద‌ర్శ‌క‌త్వం వ‌హించారు. కిరణ్ కాళ్లకూరి నిర్మాత‌గా వ్య‌వ‌హ‌రిస్తున్నారు. ద స్పై హూ ల‌వ్డ్ మి అనే ట్యాగ్‌లైన్ తో తెర‌కెక్కిన ఈ మూవీ త్వ‌ర‌లోనే ప్రేక్ష‌కుల ముందుకు రానుంది. ఈ మూవీ ప్ర‌మోషన్స్‌లో భాగంగా ట్రైల‌ర్‌ను రిలీజ్ చేశారు మేకర్స్. హైద‌రాబాద్‌లో జ‌రుగుతున్న ఎలైట్ ప్రో బాస్కెట్‌బాల్ లీగ్ లో ఈ ట్రైలర్ ను రిలీజ్ చేశారు.
ఈ సంద‌ర్భంగా… ద‌ర్శ‌కుడు రాజ్ మ‌దిరాజు మాట్లాడుతూ దాదాపు నాలుగు ద‌శాబ్ధాల త‌ర్వాత బ్లాక్ అండ్ వైట్‌లో రూపొందిన చిత్రం గ్రే అని తెలియ‌జేయ‌డానికి మా టీమ్ అంద‌రం ఎంతో గ‌ర్విస్తున్నాము. ట్రైలర్ మీ అంద‌రికీ న‌చ్చింద‌ని ఆశిస్తున్నాను. సినిమా చాలా బాగా వ‌చ్చింది. నాకు ఎంతో స‌పోర్ట్ అందించిన మా హీరో అర‌వింద్ కృష్ణ‌కి థ్యాంక్స్…ఇలాంటి సినిమాల‌కు మీడియా స‌పోర్ట్ ఎంతో అవ‌స‌రం. త‌ప్ప‌కుండా మీ అంద‌రి స‌పోర్ట్ ఉంటుంద‌ని ఆశిస్తున్నానని చెప్పుకొచ్చారు. అలాగే హీరో అర‌వింద్ కృష్ణ మాట్లాడుతూ నాకు యాక్టింగ్, బాస్కెట్ బాల్ అంటే ఎంతో ఇష్టమని నేను న‌టించిన గ్రే సినిమా ట్రైలర్ ఎలైట్ ప్రో బాస్కెట్‌బాల్ లీగ్‌లో రిలీజ్ చేయ‌డం చాలా హ్యాపీగా ఉందన్నారు.
ఈ ఈవెంట్ ఇక్క‌డ జ‌ర‌గ‌డానికి హెల్ప్ చేసిన ప్ర‌తి ఒక్క‌రికీ థ్యాంక్స్ తెలిపారు. గ్రే నాకు చాలా స్పెష‌ల్ ఫిలిం అని ఋషి సినిమా వ‌చ్చిన ప‌దేళ్ల త‌ర్వాత రాజ్ మ‌దిరాజు గారితో మ‌రోసారి వ‌ర్క్ చేయ‌డం సంతోషంగా ఉందన్నారు. త‌ప్ప‌కుండా భ‌విష్య‌త్తులో బాస్కెట్‌బాల్ నేప‌థ్యంలో ఒక సినిమా చేస్తానని ఈ లీగ్‌లో నేను హైద‌రాబాద్ త‌ర‌పున ఆడుతున్నానని అన్నారు.
అలాగే హీరోయిన్ ఊర్వ‌శిరాయ్ మాట్లాడుతూ గ్రే అనేది ఒక స్పై ఫిలిమ్ అని… ఎన్నో ట్విస్టులు ట‌ర్నుల‌తో పాటు ఒక ప‌వ‌ర్‌ఫుల్ మెసేజ్ కూడా ఉంటుంది. నా ఫ‌స్ట్ మూవీకి ఇంత మంచి స‌హకారం అందించిన ప్ర‌తి ఒక్క‌రికీ ధన్యవాదాలు.. అవ‌కాశం ఇచ్చిన ద‌ర్శ‌క నిర్మాత‌ల‌కి ప్ర‌త్యేక ధన్యవాదాలు అంటూ చెప్పుకొచ్చారు.