ప్ర‌తాప్ పోత‌న్‌, అర‌వింద్ కృష్ణ, అలీ రెజా, ఊర్వ‌శీరాయ్ ప్ర‌ధాన పాత్ర‌ల్లో అద్వితీయ మూవీస్ ప్రైవేట్ లిమిటెడ్ ప‌తాకంపై ప్రొడ‌క్ష‌న్ నెం.1గా తెరకెక్కుతున్న చిత్రం గ్రే. స్పై థ్రిల్ల‌ర్‌గా తెర‌కెక్కుతోన్న ఈ చిత్రానికి రాజ్ మ‌దిరాజు ద‌ర్శ‌క‌త్వం వ‌హిస్తున్నారు. కిరణ్ కాళ్లకూరి నిర్మాత‌గా వ్య‌వ‌హ‌రిస్తున్నారు. ద స్పై హూ ల‌వ్డ్ మి అనే ట్యాగ్‌లైన్ తో తెర‌కెక్కిన ఈ మూవీ త్వ‌ర‌లోనే ప్రేక్ష‌కుల ముందుకు రానుంది. ఈ నేపథ్యంలోనే దర్శకుడు రాజ్ మ‌దిరాజ్ మాట్లాడుతూ ఐదారేళ్ల క్రితం మ‌న‌దేశంలో రెండేళ్ల వ్య‌వ‌ధిలో దాదాపు 12మంది న్యూక్లియ‌ర్ సైంటిస్టులు క‌న‌ప‌డ‌కుండా పోయారని ఇలా గ‌తంలో కూడా చాలా సార్లు జ‌రిగిందని తెలిపారు. వీట‌న్నింటికి కార‌ణం ఏంటంటే ఫారెన్ ఇంటెలిజెన్స్ ఏజెన్సిస్. వారు చాలా జాగ్ర‌త్త‌గా వ‌ల‌ప‌న్ని చేసిన ఆప‌రేష‌న్స్ అవ‌న్ని. అందులోనుండి పుట్టిన ఐడియానే గ్రే మూవీ అన్నారు. గ్రే..ఒక స్పై డ్రామాఅని తెలిపారు.
న‌టుడు అలీ రెజా మాట్లాడుతూ… కాసేప‌టి క్రిత‌మే సినిమా చూశానని మా అంద‌రికీ న‌చ్చింది. నా క్యారెక్ట‌ర్ చాలా బాగా చేశాను అనుకుంటున్నాను. క‌థ విన్న‌ప్పుడు, షూటింగ్ చేసిన‌ప్పుడు ఎంత కాన్ఫిడెంట్‌గా ఉన్నానో ఈ రోజు సినిమా చూసిన త‌ర్వాత అంత‌కంటే ఎక్కువ కాన్ఫిడెంట్‌గా ఉన్నానన్నారు.
అలాగే హీరోయిన్ ఊర్వ‌శీరాయ్ మాట్లాడుతూ ఈ సినిమాలో నేను ఆరూషీ అనే పాత్ర చేశానన్నారు. ఈ సినిమా చాలా బాగా వ‌చ్చింది. ఇలాంటి ఒక మంచి సినిమాతో హీరోయిన్‌గా ఇంట్ర‌డ్యూస్ అవుతున్నందుకు హ్యాపీగా ఉందన్నారు.
ఇక న‌టుడు అర‌వింద్ కృష్ణ మాట్లాడుతూ ఈ రోజు ప్ర‌పంచంమొత్తం తెలుగు సినిమావైపు చూస్తుంది. మ‌న కాంటెంట్ ప్ర‌పంచం న‌లుమూల‌ల‌కి వెళ్తుంది. గ్రే సినిమా కాంటెంట్ కూడా అంద‌రికీ న‌చ్చుతుంద‌ని న‌మ్ముతున్నాను. రాజ్ గారు చాలా రీసెర్చ్ చేసి ఈ సినిమా రూపొందించారన్నారు.