టీమిండియా స్టార్‌ ఆటగాడు హార్దిక్ పాండ్యా తన భార్య నటాషా స్టాంకోవిక్ ను ముచ్చటగా మూడోసారి పెళ్లి చేసుకున్నాడు. ఉదయ్ పూర్ లో గురువారం రాత్రి హిందూ సంప్రదాయం ప్రకారం వేదమంత్రాల నడుమ వీరి వివాహం ఘనంగా జరిగింది.
కాగా మూడేళ్ల క్రిత‌మే పాండ్యా-నటాషా వివాహం జరిగింది. కరోనా కారణంగా అప్పటి పరిస్థితులను బట్టి ఈ జంట సాదాసీదాగా మూడు ముళ్ల బంధంలోకి అడుగుపెట్టారు. అనంతరం వీరికి ఓ కుమారుడు అగస్త్య జన్మించాడు.
అనంతరం వాలెంటైన్స్ డే సందర్భంగా 2023 ఫిబ్రవరి 14న ఈ జంట క్రిస్టియన్ సంప్రదాయ పద్ధతిలో మరోసారి అంగరంగ వైభవంగా వివాహం చేసుకున్నారు. తాజాగా గురువారం రాత్రి మళ్లీ హిందూ సంప్రదాయం ప్రకారం వీరి పెళ్లి గ్రాండ్ గా జరిగింది. కుటుంబ సభ్యులు, స్నేహితులు, సన్నిహితులు ఈ గ్రాండ్ వెడ్డింగ్‌ లో సందడి చేశారు.
Now and forever ❤️ pic.twitter.com/Eun6WvyBc6
— hardik pandya (@hardikpandya7) February 16, 2023
ఈ సందర్భంగా ఉంగరాలు మార్చుకుని మరోసారి పెళ్లి ప్రమాణాలు చదివిన ఈ జంట.. తర్వాత అగ్నిహోత్రం చుట్టూ ఏడడుగులు నడిచారు. అనంతరం హార్దిక్ పాండ్యా తన భార్య నుదుటిన సింధూరం దిద్ది మురిసిపోయాడు. కాగా ప్రస్తుతం వీరి పెళ్లికి సంబంధించిన ఫొటోలు సోషల్ మీడియాలో వైరల్ గా మారాయి.