హరీష్ శంకర్ దర్శకత్వంలో వరుణ్ తేజ్ హీరోగా ప్రేక్షకుల ముందుకు వచ్చిన చిత్రం గద్దల కొండ గణేష్. భారీ అంచనాల మధ్య తెరకెక్కిన ఈ చిత్రం ఘన విజయం సాధించింది. అలాగే ఇందులో పూజా హెగ్డే హీరోయిన్ గా నటించింది. అలాగే అతర్వ మురళి కీలక పాత్రలో నటించారు.
ఇదిలా ఉండగా వరుణ్, హరీష్ కాంబినేషన్ లో ఇప్పుడు మరో సినిమా రాబోతుందట. అందుకు సంబంధించిన అధికారిక ప్రకటన త్వరలోనే రనుండట. నేడు వరుణ్ పుట్టిన రోజు సందర్భంగా ఈ వార్త సోషల్ మీడియా లో వైరల్ అవుతుంది.
అయితే వరుణ్ కు హరీష్ పుట్టినరోజు శుభాకాంక్షలు చెబుతూ ఆసక్తికర వ్యాఖ్యలు చేశారు. గద్దల గణేష్ చిత్రం కోసం వరుణ్ ఎంతో కష్టపడ్డారు, ఎంతో ఇంటెన్స్ గా నటించాడు. అలాంటి అద్భుతమైన పాత్ర ను అధిగమించలేను చెప్తూనే పుట్టిన రోజు శుభాకాంక్షలు తెలిపారు హరీష్.
ప్రస్తుతం హరీష్ శంకర్ పవర్ స్టార్ పవన్ కళ్యాణ్ తో భవదీయుడు భగత్ సింగ్ సినిమా చేస్తున్నాడు. మరోవైపు వరుణ్ తేజ్ గని సినిమా చేస్తున్నాడు.
